Брлево

Брлево
Брлево Местоположба на Брлево во Македонија Брлево на карта
Координати 41°15′05″N 22°22′52″E
Регион	Југоисточен
Општина	Гевгелија
Област	Бојмија
Население	нема жит. (поп. 2021)
Шифра на КО
Надм. вис.	380 м

Брлево — историско село во Гевгелиско, денес на територијата на Општина Гевгелија.

Географија и местоположба

Селото било планинско, сместено североисточно од Гевгелија, меѓу селата Серменин и Кованец, крај устието на Брлевска со Кованска Река. Денес местото се наоѓа во североисточниот дел на атарот на Серменин, близу атарската граница со Кованец.

Историја

Докај Брлево на Кожуф, 1918

За време на Првата светска војна низ селото поминувала бугарска воена теснолинејка на коњска влеча, и тоа на одредиштата Милетково – Брлево – Серменин. Вкупната должина изнесувала 18 км од кои потегот Милетково – Брлево (13 км) и е завршен во јули 1917 г., а Брлево – Серменин (5 км) е завршен малку подоцна истата година. Целта на оваа железница била поврзување на војската (V пешадиска дунавска дивизија) со нормалната железничка линија Скопје – Гевгелија. Пругата ја поставиле 660 лица, а за потегот од Брлево до Серменин се вклучени 280 воени заробеници. Направени се две коњушарници во Милетково и Брлево.