Бели мугри

„Бели мугри“
Автор	Коста Солев
Земја	Загреб, Кралство Југославија
Јазик	македонски
Жанр(ови)	поезија
Издадена	1939
Медиум	печатено издание
Страници	31

Бели мугри е збирка поезија од Кочо Рацин, објавена во 1939 година во Самобор близу Загреб. Таа е трета стихозбирка објавена на македонски јазик по стихозбирките на Венко Марковски, „Народни бигори“ и „Огинот“, објавени во 1938 година.

Стихозбирката е испечатена на 25 ноември во печатницата на Драгутин Шпулер во 4.000 примероци. Според вообичаената комунистичка практика, насловот е испечатен со црвени букви, а поради опасноста да се дознае идентитетот на авторот, Коста Солев ја објавува под псевдонимот „К. Рацин“. Стихозбирката брзо се растура по цела тогашна Југославија и во Пиринска Македонија и постигнува голем успех.

Содржина

Стихозбирката опфаќа 12 песни:

• Денови
• Печал
• Селска мака
• Тутуноберачите
• Ленка
• Проштавање
• Балада за непознатиот
• Елегии за тебе
• Утрото над нас
• Татунчо
• На Струга дуќан да имам
• Копачите

Поврзано

• Кочо Рацин
• Македонска книжевност

Надворешни врски

• Збирката „Бели мугри“ на Викиизвор
• „Ленка“ во изведба на Зафир Хаџиманов (mp3)
• „Бели мугри“ - целосен текст.
• Електронски преглед на „Бели мугри“ на страницата на Универзитетската библиотека во Скопје.