Катедрала Свети Владимир (Киев)

Катедралата Свети Владимир (украински: Патріарший кафедральний собор св. Володимира, руски: Кафедральный собор Святого Владимира или Владимирский собор) е катедрала која се наоѓа во центарот на Киев, Украина. Катедралата е една од најголемите знаменитости на градот и претставува мајка-црква на Украинската Православна црква, една од двете украински православни цркви.

Во 1852 година, Митрополитот Филарет Московски предложил голема катедрала да биде изградена во Киев по повот 900 години од крштевањето на Киевска Рус од страна на кнезот Владимир, односно Свети Владимир. Така луѓето од скоро сите краишта на Руската Империја започнале да донираат средства за таа цел, така што во 1859 година, фондот натрупал огромна сума од 100.000 рубли.

Од страна на Киевско-печерската лавра биле донирани еден милион тули. Дизајнот бил извршен во нео-византиски стил од страна на архитектите. Висината на крстот на главната купола е 49 метри (161 стапки).

Соборниот храм бил завршен во 1882 година, но целосно заедно со внатрешниот дел во 1896 година. Во текот на 1920 година, храмот бил оштетен во текот на Полско-советсдката војна. По доаѓањето на советската власт, објектот избегнал рушење. До Втората светска војна, храмот служел како музеј на религијата и атеизмот. Моштите на Света Барбара, маченичка од 3 век, биле префрлени во Манастир Свети Михаил (Киев)|манастирот Свети Михаил. Во периодот по војната, објектот останал еден од ретките места во СССР, каде туристите слободно можеле да ја посетат црквата.

По распаѓањето на Советскиот Сојуз, започнал спор околу сопственоста на катедралата помеѓу двете главни православни цркви, Украинската православна црква под автономен статус на Москва, и Украинската Православна црква - Киевска патријаршија, која во крајна линија ја добила контролата над црквата.