Хибискус

Од Википедија — слободната енциклопедија
Прејди на: содржини, барај

Хибискус (лат. Hibiscus), кај народот познат и како кинески слез или јапонска роза, е од род со околу 200 до 220 видови билки од семејството слезова (Malvaceae), во кој припаѓаат и какаото, памукот и баобабот. Иако во цел свет се одгледува како украсна билка природно место на хибискусот претставуваат топлите и умерените, суπтропски и тропски региони. Во родот на хибискус спаѓаат и зељести и дрвенасти билки (жбунови и ниски дрва).

Потекло[уреди | уреди извор]

Хибискусот има потекло од просторите на денешна Индија и Кина. Многумина сметале дека, оваа билка потекнува од Сирија, каде се вика сириска роза. Иако не е познат точниот датум на донесување на хибискусот во Европа, многу стручњаци сметаат дека, било во текот на 1731. по враќањето на биологијата со истражувачки работи од Азија. До 1786 година опишани се три видови хибискус. Иако до сега се познати над 200 видови, тој број постојано расте.

Опис на билката[уреди | уреди извор]

Хибискусот ги опфаќа билките со мал и џуџест раст. Меѓутоа, постојат и некои видови кои достигнуваат височина и до 4 м. додека во собни услови максимална височина е околу 150 см. Во тропските и суптропските краишта расте во дивина, додека во Европа се негува како украсна билка. Во Средоземјето расте како дрвце. Доколку се одгледува во добри услови, неговата големина во текот на првите години се удвојува.