Hogwarts Legacy
| Hogwarts Legacy | |
|---|---|
 | |
| Изработувач(и) | Avalanche Software |
| Издавач(и) | Warner Bros. Games |
| Режисер(и) | Алан Тју |
| Продуцент(и) | Џејмс Кабрера |
| Уметник(ци) | Џеф Банкер |
| Писател(и) | Мојра Скваер |
| Композитор(и) |
|
| Погон | Unreal Engine 4 |
| Подлоги | |
| Датум на издавање |
|
| Жанр(ови) | акциона игра со улоги |
| Режим(и) | едноиграчки |
Hogwarts Legacy (буквално: Хогвортс: Наследство) — акциона игра со улоги развиена од американското студио Avalanche Software и објавена од Warner Bros. Спаѓа во игрите под етикетата Portkey Games. Играта се одвива во фантастичната вселена на Хари Потер во XIX век. Играта првично требала да биде објавена на платформите Windows, PlayStation 4, PlayStation 5, Xbox One и Xbox Series X/S во 2021 г., но во јануари 2021 г. развивачите објавиле одложување на датумот на објавување до 2022 г.[1] На 15 декември, развивачите конечно го објавиле датумот на објавување на играта — 10 февруари 2023 г., за конзоли од тековното поколение и сметач. Издавањето на играта за конзолите од последното поколение првично било закажано да се случи на 4 април 2023 г., но подоцна било одложено за 5 мај истата година.[2]
Играчки процес[уреди | уреди извор]
Hogwarts Legacy е акциона игра со улоги поставена во околина со отворен свет, нудејќи едноиграчки режим со различни избори за потешкотија и пристапност. Играта е сосредоточена околу училиштето за магии и волшебништво Хогвортс, обезбедувајќи часови како волшепства, одбрана против темните сили, билкологија и напивки. Познати места од франшизата „Хари Потер“, вклучувајќи ја и Забранетата Шума, волшебната банка „Гринготс“ и селото Хогсмид, се достапни за истражување. Дополнително, играчите можат да откријат области што не се прикажани во други дела, како што е заедничката соба на Хафлпаф. Играта динамично го одразува текот на времето, визуелно претворајќи ги местата врз основа на сезоните во играта.
Опширниот свет се состои од 16 области, кои опфаќаат приближно 7,65 квадратни километри, со околу 6,4 квадратни километри достапни за истражување. Кога го создаваат својот лик, играчите имаат слобода да изберат изглед, способност, пол, глас, вид тело и вид стапче. Кревањето на ниво отклучува таленти, надградби и вештини. Играта воведува приспособување на животната средина, дозволувајќи им на играчите да ја видоизменат просторијата за потребите додека напредуваат.
Играчите ќе учат волшепства, ќе подготвуваат напивки и ќе ги совладаат борбените способности, на крајот развивајќи исклучителен стил на борба. Борбата вклучува користење купени или изработени предмети за да им наштети на непријателите, да создаде пречки или да го подобри ликот на играчот. Играта вклучува припитомување, дотерување и јавање на волшебни ѕверови, вклучувајќи змејови, тролови, хипогрифи и нифлери. Некои суштества можат да се користат во борба, како што е мандрагората за да ги зашемети непријателите.
Моралниот систем додава длабочина на играта, земајќи ги предвид изборите на играчите, вклучувајќи ја и нивната способност да учат конкретни волшепства како што е „Убиствената клетва“ (Авада кедавра). Играчите можат да создаваат пријателства со неиграчки ликови, развивајќи ги овие односи во соучесништва што нудат дружење, проширени способности и исклучителни можности за дијалог. Овие соучесништва го подобруваат раскажувачкото искуство додека играчите ги истражуваат приказните на своите соученици.
Наводи[уреди | уреди извор]
- ↑ Statt, Nick (2020-09-16). „Hogwarts Legacy is an open world Harry Potter game coming to PS5, Xbox Series X, and PC“ (англиски). The Verge. Архивирано од изворникот на 2020-09-19. Посетено на 2020-09-17. Занемарен непознатиот параметар
|deadlink=(се препорачува|url-status=) (help) - ↑ „Hogwarts Legacy для PS4 и Xbox One перенесли на месяц – с 4 апреля на 5 мая“ (руски). DTF. 2023-03-07. Архивирано од изворникот на 2023-03-06. Посетено на 2023-03-07. Занемарен непознатиот параметар
|deadlink=(се препорачува|url-status=) (help)
Надворешни врски[уреди | уреди извор]
 |
„Hogwarts Legacy“ на Ризницата ? |
- Hogwarts Legacy на
Семрежната филмска база на податоци (англиски)
