Црква „Успение на Пресвета Богородица“ - Дивље
  Успение на Пресвета Богородица
| |
Поглед на црквата | |
| македонска православна црква | |
| Епархија | Скопска |
| Архијерејско намесништво | Северноскопско |
| Местоположба | |
|---|---|
|
| |
| Координати | 41°55′38.8″N 21°46′14.8″E / 41.927444° СГШ; 21.770778° ИГД |
| Место | Дивље |
| Општина | Петровец |
| Држава | Македонија |
| Општи податоци | |
| Покровител | Успение на Пресвета Богородица |
| Изградба | 1603 - 1604 |
| Живопис | 1604 |
| Архитектонски опис | |
| Стил | еднокорабен |
Успение на Пресвета Богородица или Успение Богородичино[1] — главна црква во скопското село Дивље, Општина Петровец. Му припаѓа на Северноскопското архијерејско намесништво во Скопската епархија на МПЦ - ОА. Црквата е сместена во источниот дел на селото. Црквата е прогласена за Споменик на културата.
Историја[уреди | уреди извор]
Изградена е и живописана во 1603–1604 година според натпис на северниот олтарен ѕид. Обновена е во втората половина на XIX век и одново живописана. Старите фрески се делумно разоткриени во 1958 година. Во олтарниот простор, зад преградата на иконостасот е претставено Видението на Петар Александриски, до чиј натпис е откриена и годината на сликање. Ктиторските портрети се на јужниот ѕид. Нивната облека се разликува од онаа на познатите портрети до XIV век. Облечени се едноставно, без украси. Единствен показател за нивниот статус се капата на мажот и шарената капа на сопругата заедно со големите обетки. Макетата на црквата што ја држат во раце е еднокорабна градба, точно иста како изградената. Зографот ги доловил јасно изразените лични црти, за разлика од фигурите на светците, кои следат предопределена предлошка на претстава.[1]
На 2 октомври 1958 година, со Решението бр. 22 од Централниот завод, црквата добила статус на културно наследство. Статусот на заштитена градба бил обновен на 26 февруари 1968 година, со Решението бр. 27/51 од ГЗЗСК.[2]
Архитектура[уреди | уреди извор]
Храмот е мала еднокорабна градба со правоаголна основа и цилиндричен свод со калкански покрив, изградена од делкан камен без тули и со мала врата. Внатрешноста е лошо осветена. Конаците се мали, веројатно изградени во XIX век.[1][3]
Во дворот на црквата се наоѓаат камбанаријата, трпезариската градба и неколку гробови.
Галерија[уреди | уреди извор]
-
Поглед од југ, 2011 година -
Поглед од југозапад, 2011 година -
Камбанаријата и трпезариската градба, 2011 година -
Црквата, 2011 -
Црквата, 2011 -
Поглед од северозапад, 2023 година -
Поглед од југозапад, 2023 година -
Камбанаријата, 2023 година -
Tрпезариjата, 2023 година -
Црквата, 2023 година -
Црквата, 2023 година -
Предната надворешна фреска со Богородица, 2023 година
Поврзано[уреди | уреди извор]
- Параклис „Св. Петка“
- Параклис „Св. Илија“
- Параклис „Св. Недела“
- Параклис „Пресвета Богородица“
- Северноскопско архијерејско намесништво
Наводи[уреди | уреди извор]
- ↑ 1,0 1,1 1,2 „Црковната традиција во Скопје и Скопско од IV век до денес (2- дел)“. Премин Портал. Архивирано од изворникот 2014-04-07. Посетено на 8 април 2014.
- ↑ „Регистрирани недвижни добра по надлежност на националните установи“ (PDF). Управа за заштита на културното наследство на Македонија. февруари 2023. стр. 123. Архивирано (PDF) од изворникот 2023-04-07. Посетено на 21 ноември 2023.
- ↑ „Church Assumption of the Virgin Mary, village Divle“. Where is Macedonia. Архивирано од изворникот на 2014-05-07. Посетено на 3 март 2014.
Надворешни врски[уреди | уреди извор]
Црква „Успение на Пресвета Богородица“ - Дивље на Ризницата ?
