Црква „Воведение на Пресвета Богородица“ - Буринец

Местоположба
Воведение на Пресвета Богородица

Поглед на црквата
македонска православна црква
Епархија	Дебарско-кичевска
Архијерејско намесништво	Струшко
Парохија	Втора струшка

Координати	41°23′38.7″N 20°37′05.6″E / 41.394083° СГШ; 20.618222° ИГД / 41.394083; 20.618222
Место	Буринец
Општина	Струга
Држава	Македонија
Општи податоци
Покровител	Богородица Марија
Завршено	XIX век
Зограф	Никола Аврамов Константин Николов
Архитектонски опис

Воведение на Пресвета Богородица — црква во селото Буринец.^[1] Сместена е во крајниот јужен дел од селото.

Историја[уреди | уреди извор]

Црквата била изградена во XIX век. Во февруари 2011 година, црквата била ограбена и од неа биле изнесени икони.^[2]

Архитектура[уреди | уреди извор]

Градбата на црквата има правоаголна основа со полукружна апсида на источната страна. На јужната страна е доградена припрата која е во целост затворена. Главната влезна врата на црквата е сместена од западната страна, а до внатрешноста на црквата води и споредна врата преку припратата од јужната страна. Над споредната врата има ниша со фреска на која е насликана Богородица Марија со Исус Христос. На ѕидовите од црквата и припратата има повеќе прозорци. Објектот е изграден од варовник и е покриен со кров од ќерамиди, додека припратата е варосана во бела боја и е покриена со лимен кров. Со лимен кров е покриена и апсидата.

Дворот на црквата е ограден со камена ограда, а во него е сместена камбанаријата. Таа има квадратна основа и се состои од два дела, од кои првиот е изграден од камен, а вториот од лим и содржи по два отвори на секоја страна. Камбанаријата е покриена со кров од ќерамиди.