Харинговидни риби

Од Википедија

Харинговидни Clupeiformes
Alosa fallax
Научна класификација
Царство: Animalia Тип: Chordata Класа: Actinopterygii Ред: Clupeiformes
Фамилии
Denticipitidae Engraulidae Pristigasteridae Chirocentridae Clupeidae Sundasalangidae

Харинговидните риби се зракоперки кои припаѓаат на единствениот ред Clupeiformes во рамките на надредот Clupeomorpha. Едни од најпознатите претставници од овој ред се харингите (од фамилијата Clupeidae) и сардините (од Engraulidae). Оваа група ги вклучува во себе едни од најважните риби кои се користат во исхраната.

Повеќето се морски видови, но има проодни и слатководни. Најчесто се среќаваат во северната полутопка. Најголемо видово разнообразие има во западните делови на Тихиот Океан и во Индискиот Океан.

Харинговидните риби се фисостоми , што значи дека нивниот рибен меур поседува пневматски канал преку кој се поврзува со цревото. Обично кај нив отсуствува страничната линија, но пак затоа имаат карактеристични очи, перки и крлушки. По боја најчесто се сребренести со вретеновидни тела и обично живеат во големи јата. Поголемиот дел од видовите се исхрануваат со планктон, што го филтрираат со посебни коскени структури од жабрениот апарат.^[1]

[уреди] Систематика

Овој ред содржи околу 300 вида распоредени во шест фамилии:^[2]

Ред Clupeiformes

• Фамилија Denticipitidae (дентикуларна харинга)
• Фамилија Engraulidae (сардини)
• Фамилија Pristigasteridae
• Фамилија Chirocentridae (волчји харинги)
• Фамилија Clupeidae
• Фамилија Sundasalangidae

[уреди] Наводи