Систем за варење
Системот за варење (познат и како дигестивен или гастроинтестинален систем) е органски систем кај цицачите приспособен за механичка и хемиска обработка на храната (варење), ресорпција (впивање) на храната во крвните садови и исфрлање измет (дефекација), т.е. отстранување на несварените остатоци од храната.
Содржина |
Механичка и хемиска обработка [уреди]
Механичката обработка на храната се врши во усната празнина, со помош на забите и плунката, која служи за навлажнување на храната, со што се олеснува:
- Џвакањето (мастикацијата) на храната
- Формирањето на залакот (болусот) и
- Голтањето на храната (деглутацијата).
Хемиската обработка на храната го подразбира дејството на ензимите во најразлични делови од системот за варење, како на пример во желудникот, малото црево итн.
Ситемот за варење има многу важна функција: ја разложува храната што ја внесуваме секој ден, така што организмот може од неа да добие енергија и хранливи материи, потребни за создавање и одржување на ткивата, како и да се овозможи да се вршат различните животни функции.
Ресорпција [уреди]
Ресорпција претставува процес на преминување на дигерираните молекули од храната во циркулаторниот систем. Најголем дел од ресорпцијата се одвива во цревата, а помалку во усната празнина (каде се ресорбира само медикаментот нитроглицерин) и во желудникот (каде се ресорбираат готварската сол, некои витамини, јони на железото, алкохол и голем процент вода).
Исфрлање змет [уреди]
Цревната микрофлора при разградувањето на несварените состојки од храната, ослободува многу гасови (јаглероден диоксид, сулфур, водород, метан, азот) и токсични материи, како амонијак скатол итн. Овие материи, заедно со остатокот од несварената храна, цревните микроорганизми и нивните секрети го формираат фецесот. Овој материјал се отстранува од организмот со активноста на мазните и напречно-пругавите мускули со процесот наречен дефекација.
