Таа

Од Википедија — слободната енциклопедија
Прејди на: содржини, барај
Примери
Таа е убава мома.
Таа која ја започна оваа хуманитарна акција ќе добие соодветно признание.

Таа е лична заменка за трето лице еднина од женски род во македонскиот јазик. Оваа лична заменка се користи да се означи или посочи некоја именка од женски род[1], која и не мора да е присутна во моментот на зборување.

Лични заменки[уреди]

Личната заменка „таа“ се користи како подмет во реченицата, односно да се означи лицето кое го врши дејството и лицето за кого се однесува нешто. Останатите форми за трето лице женски род може да се видат во следнава табела, која патем ги наведува сите заменки во македонскиот јазик:

Лични заменки
број лице подмет присвојна заменка
и придавка
директен предмет индиректен предмет
без предлози со предлози
долга кратка долга кратка

присвојна

еднина I јас мој/ моја/ мое/ мои мене ме мене ми мене
II ти твој/ твоја/ твое/ твои тебе те тебе ти тебе
III м.р. тој негов/ негова/ негово/ негови него го нему му него
ж.р. таа нејзин/ нејзина/ нејзино/ нејзини неа ја нејзе ѝ неа
с.р. тоа негов/ негова/ негово/ негови него го нему му него
множина I ние наш/ наша/ наше/ наши нас нè нам ни нас
II вие ваш/ ваша/ ваше/ ваши вас ве вам ви вас
III тие нивен/ нивна/ нивно/ нивни нив ги ним им нив


Потекло[уреди]

Старословенската форма еквивалентна на македонската „таа“ е 'она '. Така, оваа македонска лична заменка не е слична со останатите заменки за трето лице на останатите словенски јазици, како: ona на полски, словачки, чешки, словенечки, српски, хрватски, босански и црногорски, тя на бугарски, wona на лужичкосрпски, она на руски, яна на белоруски и вона на украински.[2]

Освен на македонски и бугарски, во сите останати словенски јазици заменката директно потекнува од старословенската форма. Македонската заменка „таа“ настанала со потсилување на старите едносложни заменски морфеми со партикули, сè со цел да се закрепи нивната изразеност. Заменката „таа“ потекнува од старословенската показна 'та ', но проширена со дополнителни гласови за позацврстена изразеност.[3]

Употреба[уреди]

Во македонскиот јазик оваа заменка се користи за означување или посочување на именка од женски род. Во некои дијалекти се користи и старословенската форма она.

Поврзано[уреди]

Наводи[уреди]

  1. Македонски речник и правопис: таа на makedonski.info
  2. Лични заменки во словенските јазици, на англиски.
  3. Конески, Блаже (1967), Историја на македонскиот јазик, Скопје, стр. 144