Строшки манастир
 Дворот на манастирот | |
| Информации | |
|---|---|
| Целосно име | Строшки манастир |
| Други имиња | Манастир „Света Недела“ |
| Манастир на: | МПЦ - ОА |
| Посветен на | Света Недела |
| Епархија | Преспанско-пелагониска |
| Цркви | Црква „Св. Недела“ |
| Личности | |
| Место | |
| Место | во близина на Стровија, Општина Долнени  Македонија |
| Координати | 41°34′07″N 21°24′30.3″E / 41.56861° СГШ; 21.408417° ИГД |
| Видливи остатоци | една црква, параклис, конак, помошни објекти |
| Отворен за јавноста | да |
| Други информации | (Долненско-секиречка парохија) |
Строшки манастир (се среќава и како Стровјански манастир) — манастир во средишниот дел на Македонија, на јужните падини на планината Даутица, во близина на селото Стровија.[1]
Историја[уреди | уреди извор]
Манастирот започнал да се гради со осветувањето на темелите за изградба на манастирската црква од страна на протереј-ставрофор Борис Талесеки со благослов на Митрополит Преспанско-пелагониски г. Климент на 28 април 1968 година (Томина недела). Се претпоставува дека на местото на манастирот во минатото имало црква посветена на Света Недела за која нема податоци кога била урната, но веројатно во периодот непосредно по потпаѓањето под отоманска власт.[2]
Градби[уреди | уреди извор]
Во склоп на манастирот влегуваат една црква, параклис, конак и неколку помошни објекти.
Црква „Света Недела“[уреди | уреди извор]
Црквата била осветена на 2 мај 1976 година од страна на пелагонискиот епископ Ангелариј. Се верува дека е изградена врз остатоци од стара манастирска црква која се наоѓала покрај брегот на Строшка Река, но од неа денес е изгубена секаква трага и единствено нешто коешто укажува на таквото верување е мала чешма со чудотворно дејство која е постветена на истата светица.[2]
Галерија[уреди | уреди извор]
-
Манастирската црква -
Конакот -
Параклисот -
Помошен објект -
Објекти во манастирот
Наводи[уреди | уреди извор]
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 18. ISBN 978-608-65143-2-7.
- ↑ 2,0 2,1 „Манастир „Света Недела“, село Стровија“. OldPrilep. 6 јуни 2012.
Надворешни врски[уреди | уреди извор]
Строшки манастир на Ризницата ?
