Стар мост (Велес)
| Стар мост | |
|---|---|
| Преминува | Вардар |
| Место | Велес |
| Официјален назив | Стар мост |
| Особености | |
| Вид | мост на диреци |
| Вкуп. должина | м |
| Ширина | м |
| Местоположба | |
 | |
Стар мост — мост на реката Вардар во Велес. Се наоѓа во јужниот дел на Велес со што тој е најстариот и најкраен мост на Вардар во Велес, пред влезот во Велешката Клисура. Ги поврзува градскиот пазар населбите Прцорек, Црна Џамија и Рамина на левата и населбите Мегдан, Долни Дуќани на десната страна на Вардар. Според Евлија Челебија, познатиот турски патописец, кој во 1661 година го посетил Велес и го опишал за првпат подетално, мостот бил изграден во времето на Мехмед II Освојувачот, во период од 1467/82 година[1]. Познатиот патописец го опишан како „ дрвен мост со 4 отвори“. Подоцна Аџи Калфа, современикот на Челебија, ќе запише дека во Велес постои мост со 2 стопи од камен во водата[1]. Долго време овој мост бил единствен премин преку Вардар и ја овозможувал комуникацијата на граѓаните од источната на западната страна во градот[1]. Според документите прв Устабашија (старешина –мајстор на мостот) бил Уста Мехмед[1]. Тој според кажувањата прв изградил куќа на почетокот на мостот, на место на денешната семејна куќа на Ванови. Подоцна, во пописот од 1528 година, за првпат се споменува дека имало и маало кое се викало „ Измеќари на мостот“, кое се наоѓало на левата страна на реката Вардар, како и занимање мостар - за чување, мерметисување и надгледување на Новиот мост (Yeny most)[1]. Стариот Мост, дури во 1544 година, за првпат, добил Устабашија – христијанин. Тоа бил Уста Рале[1]. Денес, мостот е отворен за сообраќај на моторни возила на две коловозни ленти, а веднаш до неговиот крај на десниот брег на Вардар минува железничката пруга за Гевгелија, на која има премин со рампи.