Свемирко
| Свемирко (Svemirko) | ||
|---|---|---|
| Основни информации | ||
| Потекло | Ѓаково, Хрватска. Mоментално седиште во Загреб. | |
| Жанр | Поп, емо-мачо поп, синт-поп, хипнагогиски поп, џангл поп. | |
| Инструмент | Гитара, тапани, клавијатура и бас. | |
| Активност | од 2015 | |
| Издавач | Više manje zauvijek | |
| Мреж. место | https://jasamsvemirko.bandcamp.com/music | |
| Моментални членови | ||
| Марко Вуковиќ, Антонио Бошњак и Дарио Сушањ. | ||
| Поранешни членови | ||
| Мартин Тандара, Бранимир Блажевиќ, Бојан Бојко, Силвиа Грилец и Мате Поњевич. | ||
Свемирко (хрватски: Svemirko) е хрватска поп група основана во Загреб, Хрватска. Името Свемирко е инспирирано од истоимениот натпреварувач на квизот „Најслабата врска“ (хрватски: Najslabija karika)[1]. Свемирко својата прва песна, „Збогум пролетери“ (хрватски: „Zbogom Proleteri“)[2], ја имаат објавено во јули 2015 година, првиот албум, „Ванилија“ (хрватски: „Vanilija“), е објавен во 2017 година, вториот албум „Тунгузија“ (хрватски: „Tunguzija“) во 2018 година, а како најново издание во 2020 година објавен е нивниот трет студиски албум „Скаламерија“ (хрватски: „Skalamerija“).
Почетоци[уреди | уреди извор]
Марко Вуковиќ, музичар и продуцент роден е во Ѓаково, Хрватска. Вуковиќ, пред да ја формира сегашната група од петмина членови, објавувал музика под разни псевдоними, од кои Кимекаи и Никонар се едни од најпознатите[3]. За прв пат во 2015 година Марко Вуковиќ, под псевдонимот Свемирко, криејќи го својот вистински идентитет ги издава своите два сингла. Овие два сингла предизвикуваат бум на хрватската андерграунд музичка сцена. На почетокот на 2017 година, со албумот „Ванилија“, Вуковиќ го открива својот идентитет[4].
Ванилија[уреди | уреди извор]
Албумот „Ванилија“ е збирка од девет остри, сонично-ароматични и танцувачки емо-мачо поп-песни, нова изведба на жанрот синтпоп кој некогаш бил популарен меѓу народите на Јужните Словени. „Ванилија“ првично бил објавен на VHS лента од причина што Вуковиќ имал многу празни VHS ленти кои му послужиле како уште еден медиум за објавување музика[1]. Марко Вуковиќ е заслужен за продуцирање, мешање и снимање на албумот, Лионел Вилијамс (псеводним: Винил Вилијамс) го изработил мастерингот, а Џерми Неалис го изготвил дизајнот за корицата на албумот. Овој албум е вид на порака од авторот, Марко Вуковиќ, напишана од перспектива на отуѓено суштество кое ја набљудува планетата, настаните и луѓето, а кое суштество создава разбирање и мисли кои по пат на честоти и бранови ги испраќа кон сите битија на Земјата[5].
Тунгузија[уреди | уреди извор]
„Тунгузија“ е следната одлична збирка песни од студиото на Марко Вуковиќ, исклучителни мелодии и аранжмани, погрешно разбрана колоритна поезија и звучни ароми кои продираат во новите модерни класици. По „Ванилија“, емо-мачо попот продолжува со прогресијата, а инструментално-вокалната група Свемирко подготвува нови концерти и нови авантури, и ноќни и дење. Во вселенски брод со сè уште неизмислен погон, директно од космосот до нашата планета, оваа група волшебници пристигнува да ве одвои од сопствената свест. Албумот беше аранжман и продуциран во студиото Minus1 во текот на зимата и пролетта 2018 година.[6]
Скаламерија[уреди | уреди извор]
Завршен дел од трилогијата „-ија“. Можеби малку поразличен од претходните две, но достоен крај на трилогијата. Scalamery во дефиниција е предмет, уред или зграда што е направена невешто. Пропадна, куп предмети што треба да имаат цел. Според авторот, тоа е совршеното име за ова издание.[7]
Инспирација[уреди | уреди извор]
Дарко Рундек и Хаустор се музичари кои за бендот претставуваат инспирација и влијание на музиката коja Свемирко ја создава[1][8]. „ Целата уметност, а така и нашата, е инспирирана или делумно инспирирана од некој друг, а она што ја прави интересна се токму елементите составени на единствен начин во една целина.“ вели Бојан Бојко на интервју со Before after[9].
Дискографија[уреди | уреди извор]
- Три студио албуми:
- Три сингла:
Наводи[уреди | уреди извор]
- ↑ 1,0 1,1 1,2 Kvorka, Tanja (2018-09-13). „Svemirko: Očekujte vrhunsku zezanciju i nešto manje vrhunsku svirku“. Glas Slavonije (хрватски). Посетено на 2021-01-14.
- ↑ Kezerić, Helena (2018-01-31). „Svemirko: "Samo kod nas se bendovi oblače k'o da idu na misu"“. Ziher.hr (хрватски). Посетено на 2021-01-14.
- ↑ „Svemirko biography“. Last.fm (англиски). 2017-01-28. Посетено на 2021-01-14.
- ↑ „Svemirko discography“. RateYourMusic (англиски). Посетено на 2021-01-14.
- ↑ „Vanilija, by Svemirko“ (хрватски). 2017-01-27. Посетено на 2021-01-14. На
|first=му недостасува|last=(help) - ↑ „Tunguzija, by Svemirko“. Svemirko (англиски). Посетено на 2023-12-05.
- ↑ „Skalamerija, by Svemirko“. Svemirko (англиски). Посетено на 2023-12-05.
- ↑ Ratković, Vanja (2019-09-09). „Fenomen hrvatskog benda Svemirko koji je rasprodao tri koncerta u Beogradu“. Noizz.rs (српски). Посетено на 2021-01-14.
- ↑ Seničić, Maša (2018-06-26). „SVEMIRKO: ako tražite pop bend, upravo ste ga našli“. Before After (српски). Посетено на 2021-01-14.