Поплава

Од Википедија, слободната енциклопедија
Прејди на: содржини, барај

Поплава е природна појава (непогода), којашто се појавува заради високиот водостој во реките и езерата, поради што водата се прелива или излива од коритата и го поплавува околното подрачје.

Причините што водат до висок водостој во реките и езерата се најчесто топење на снегот, обилни врнежи од дожд или некоја голема бура, попуштање на брана и сл.

Поделба[уреди]

Според начинот и брзината со која се формира бранот, поплавите се делат на три групи:

Мирни поплави[уреди]

Најчесто се случуваат на големите реки и потребно е 10 или повеќе часови да се формира поголем бран.

Буични поплави[уреди]

Најчесто се појавуваат кај планинските реки каде голем воден бран се формира за помалку од 10 часа.

Ненадејни поплави[уреди]

Овде водниот бран се формира веднаш, а се случуваат кога ќе дојде до рушење на брана.

Последици[уреди]

Cars over the water.JPG

Вообичаени ефекти што се појавуваат при поплави се материјални штети, жртви, снабдување со вода и храна итн.

Материјални штети: Зградите и другите објекти се оштетуваат од надојдените води. Исто така се возможни и појави на лизгање на земјиштето.
Жртви: Луѓето и добитокот умираат од давење или од појавите на зарази и епидемии.
Снабдување со вода: При поплави најчесто доаѓа до контаминација на чистата вода за пиење.
Житарици и снабдување со храна: Поради поплавите може да дојде до оштетување на сите посеви на житарици.

Заштита од поплави[уреди]

Најчесто крај реките што се склони за излевање се градат најразлични одбранбени механизми што се користат во случај на поплава. Такви механизми се насипи, брани, одводни канали, резервоари, крајбрежни ѕидови.