Дожд

Од Википедија

Оваа статија е никулец. Може да помогнете со нејзиното проширување.

Дождот е форма на врнеж (талог) (додека останатите форми се снег, лапавица, град и роса). Тој се формира со кондензација на водната пареа, со што се создаваат капки вода кои паѓаат на земјината површина од облаците. Меѓутоа, не секој дожд доспева до површината на Земјата. Ваквиот дожд се нарекува вирга, феномен кој често се забележува во топлите и суви пустини. Дождот е примарниот извор на слатка вода за повеќето екосистеми, како и извор на вода за хидроелектраните.

[уреди] Формирање

Дождот е дел од водниот циклус на Земјата. Со испарувањето на влагата од океаните, во атмосферата се формираат (кондензираат) водни капки кои паѓаат од небото кон површината на Земјата. Оваа вода се враќа во океанот преку потоците и реките, со што се повторува циклусот. Водната пареа од дишењето на растенијата дава исто така придонес во влажноста на атмосферата.

[уреди] Антропогено влијание

Фините честички кои се создаваат од издувните гасови на автомобилите и другите извори на загадување, се јадра околу кои се концентрира водната пареа од атмосферата, со што се формираат облаци и се зголемуваат шансите да падне дожд. Дождот се мери со дождомер.