Човек
| Човек[1] Период: 0.2–0 Ma Pleistocene – Recent |
|
|---|---|
 |
|
| Human male and female | |
| Заштитен статус | |
| Научна класификација [ у ] | |
| Царство: | Животни |
| Тип: | Хордати |
| Класа: | Цицачи |
| Ред: | Примати |
| Фамилија: | Хоминиди |
| Род: | Човек (род) |
| Вид: | Човек |
| Подвид: | Човек |
| Триномен назив | |
| Homo sapiens sapiens Linnaeus, 1758 |
|
Човек (множина: луѓе) е вид на животно кое систематски е познато како Homo sapiens (латински: свесен човек),[3][4] и е единствениот преживеан член на родот Homo од двоножните примати во Hominidae, фамилијата на големи човеколики мајмуни. Сепак, во некои случаи, зборот „човек“ се користи за означување на било кој член од родот Homo.
Луѓето имаат високо развиен мозок, способен за апстрактно мислење, јазик, интроспекција и решавање на проблеми. Овој умствен капацитет, заедно со исправениот став на телото кој ги ослободува рацете за раководење со предмети, им дозволил на луѓето многу поголема корист од алати во споредба со било кој друг вид. Доказите основани на митохондријална ДНК и фосили покажуваат дека современите луѓе потекнуваат од Африка од пред околу 200.000 години.[5] Со поединци раширени на сите континенти на планетата, освен на Антартикот, луѓето се космополитски вид. Од мај 2010, светската популација на луѓето се проценува дека изнесува околу 6,8 милијарди.[6]
Како и повеќето вистински мајмуни, луѓето се социјални по природа. Сепак, луѓето се уникатно прилагодени кон користење на системи за комуникација за самоизразување, размена на идеи и организација. Луѓето создаваат сложени општествени структури составени од многу соработувачки и натпреварувачки групи, од семејства до нации. Социјалната интеракција меѓу луѓето создала голем број на вредности, општествени норми и ритули кои заедно ја создаваат основата на човечкото општество.
Луѓето имаат изразена желба да ја разберат и да влијаат врз нивната околина и сакаат да ги објаснат и да раководат со природните појави преку наука, философија, митологија и религија. Оваа природна љубопитност довела до развивање на напредни алатки и вештини кои културолошки се пренесуваат низ генерациите; човекот е единствениот познат животински вид кој создава огнови, ја готви својата храна, се облекува себеси и користи многубројни други технологии.
[уреди] Извори
- ↑ Groves, C. (2005). Wilson, D. E., & Reeder, D. M (уред.). уред. „Mammal Species of the World“ (III издание). Балтимор: Johns Hopkins University Press. ISBN 0-801-88221-4. http://www.bucknell.edu/msw3/browse.asp?id=12100795.
- ↑ Global Mammal Assessment Team (2008). Homo sapiens - МСЗП 2009. Црвен список на МСЗП. Верзија 2009.2. <www.iucnredlist.org>. преземено на 3 март 2010 (англиски)
- ↑ Goodman M, Tagle D, Fitch D, Bailey W, Czelusniak J, Koop B, Benson P, Slightom J (1990). „Primate evolution at the DNA level and a classification of hominoids“. „J Mol Evol“ 30 (3): 260 – 6. doi:. PMID 2109087. (англиски)
- ↑ „Hominidae Classification“. „Animal Diversity Web @ UMich“. http://animaldiversity.ummz.umich.edu/site/accounts/classification/Hominidae.html. проверено на 2006-09-25. (англиски)
- ↑ The Smithsonian Institution, Human Origins Program (англиски)
- ↑ „World POPClock Projection“. U.S. Census Bureau, Population Division/International Programs Center. http://www.census.gov/ipc/www/popclockworld.html. проверено на 2009-09-19. (англиски)
