Планински масив

Од Википедија, слободната енциклопедија
Прејди на: содржини, барај
Масивот Шара во северозападна Македонија.

Планински масив или само масив[1] — место на Земјината кора со истакнати раседи или набори. При поместувањето на Земјината кора, масивот ја задржува внатрешната структура, а се поместува во целина. Поимот се однесува и на група планини составени со ваква образба.

Во планинарството и алпинизмот, под „масив“ се подразбира главната маса на некоја поединечна планина. Масивот е помала составна единица на кората од тектонската плоча и во геоморфологијата се смета за четврта движечка сила по големина.[2]

Зборот потекнува од францускиот поим massif, каде означува голема маса од планини или збиена група од поврзани планини што сочинуваат независен дел од венецот. Еден од најзабележителните примери во Европа е Централниот Масив во регионот Оверњ, Франција.

Пример за вонземски масив е т.н. „Лице на Марс“ во регионот Кидонија.[3] (40° СГШ 9° ЗГД /  )

Масивите се образуваат и под вода, во самото море. Таков пример е подводниот вулкан Таму во северозападниот Тихи Океан — најголем вулкан на Земјата.[4]

Поврзано[уреди]

Наводи[уреди]

  1. масив — Дигитален речник на македонскиот јазик
  2. Allen, 2008, Time scales of tectonic landscapes and their sediment routing systems, Geol. Soc. Lon. Sp. Pub., v. 296, стр. 7–28.
  3. Britt, Robert Roy (21 септември 2006). „Mars Face Makeover: Controversial Formation Observed from New Angles“. Space.com. http://www.space.com/scienceastronomy/060921_mars_images.html. конс. 4 мај 2009. 
  4. Howard, Brian Clark. „Новооткриениот џиновски вулкан под морето е најголем во светот“, 5 септември 2013 (конс. 7 септември 2013). (англиски)