Левитација

Од Википедија — слободната енциклопедија
Прејди на: содржини, барај
Коцкест магнет левитира над суперспроводен материјал (Мајснеров ефект)

Левитација (од латински levare, да се крене) е процес во кој објект ѝ се спротиставува на гравитацијата, во стабилна позиција под дејство на надворешна сила без физички контакт.

Исто така е и популарен магионичарски трик, особено во случајот кога се работи за кревање на човечко тело без употреба на физички контакт. Илузијата најчесто се постигнува со специјален механички уред, игра на светлина или на некој друг начин.

Физика[уреди]

На земјата сѐ што е потребно за да левитира еден објект е сила што ќе дејствува во спротивен правец на гравитацијата со еднаква големина како онаа која ја предизвикува самиот објект. Ова се постигнува на неколку различни начини, на пример магнетни сили, електростатички (односно наелектризирани) предмети или аеродинамични објекти. Со употреба на магнетната левитација може да се предизвика левитирање дури и на мали животни.

Научниците имаат разработено техника со која може да се направи да левитираат ултра мали објекти, најчесто со манипулација со таканаречената Казимирова сила, која во нормален случај ја овозможува компактноста на елементите по квантни правила. Ова, во пракса, моментално е возможно само на микро објекти.[1] [2]

Аеродинамичната левитација често се забележува во воздушниот хокеј каде млазови воздух предизвикуваат движење на пакот по нагорна линија. Левитацијата може да биде предизвикана и со туркање на воздухот надолу на пример, кај хеликоптерот, авионот со вертикално полетување, како и кај хаверкрафтот. Сфера може стабилно да левитира во воздушен проток без употреба на било каков контролен систем, во случај условите да се добри. Ваква играчка е произведена во текот на 1960тите.

Ликовна престава на магионичарски трик.

Белешки[уреди]

  1. Научниците ја открија тајната на левитирањето, Yahoo! News.
  2. Левитација во минијатура, почетна хипотеза.

Види исто[уреди]

Надворешни врски[уреди]