Криејтив комонс
| Криејтив комонс | |
 |
|
| Основачи | Лоренс Лесиг |
|---|---|
| Тип | Непрофитна организација |
| Основана | 2001 |
| Седиште | Сан Франциско САД |
| Задршка | Проширување на „разумно“ и флексибилно авторско право |
| Метод | Криејтив комонс лиценци |
| Мреж. место | http://creativecommons.org/ |
Криејтив комонс(англ. Creative Commons, CC) е непрофитна организација со седиште во Сан Франциско, САД посветена на креативни дела достапни за други легално да ги користат, преработуваат и споделуваат.[1] Организацијата има издадено неколку авторски лиценци познати како Криејтив комонс лиценци бесплатно за јавноста. Овие лиценци им овозможуваат на творците да соопштат кои права ги задржуваат, а од кои се одрекуваат во полза на корисниците и другите творци. Се дава лесно разбирливо објаснување за правата сместено на една страница, со придружни ликовни симболи, кое ги појаснува подробностите за секоја Криејтив комонс лиценца. Оваа едноставност е карактеристична за Криејтив комонс и таа го разликува од обичното авторско задржување на сите права. Криејтив комонс е измислен за да создаде пофлексибилен правен модел, заменувајќи го „сите права задржани“ со „некои права задржани“. Википедија се вбројува меѓу најпознатите примери за веб-проект кој користи таква лиценца.
Организацијата е основана во 2001 г. од Лари Лесиг, Хал Абелсон и Ерик Елдред[2] со поддршка од Центарот за јавен домен. Првиот збир лиценци е издаден во декември 2002.[3] Се проценува дека во 2008 имало 130 милиони дела заведени под Криејтив комонс лиценца.[4] Со Криејтив комонс раководи одбор на директори и технички советодавен одбор. Моментален претседател на одборот е Естер Војчицки, наставник по новинарство од Паоло Алто, САД. Многуимна го имаат прифатено Криејтив комонс како начин творците на содржини да добијат конрола врз начинот на којшто ја споделуваат нивната интелектуална сопственост. Некои го критикуваат дека Криејтив комонс не пружа доволно слобода, и дека лиценцирањето треба да се олабави уште повеќе.
Содржина |
[уреди] Задача и влијание
Криејтив комонс се смета за предводник на движењето „авторско лево“ (copyleft), кое се стреми да ја поддржува изградбата на што побогат јавен домен (јавна сопственост) овозможувајќи алтернатива на автоматското авторско право кое наложува задржување на сите права, која гласи „некои права задржани“.[5] Дејвид Бери и Гајлс Мос на Криејтив комонс му го припишуваат поттикот на интерес за проблематиката на интелектуалната сопственост како и за значајниот придонес кон преиспитувањето на улогата на заедничката ризница (commons, „комонс“) во епохата на информациите. Покрај ова, Криејтив комонс овозможува и „институционална, практична и правна поддршка на поединци и групи кои сакаат послободно да експериментираат и општат со културата“[6]
Криејтив комонс работи против она што организацијата фо смета за сè поограничувачка „култура на дозволување“. Според основачот на Криејтив комонс Лоренс Лесиг, ова е „култура во која авторите можат да творат само со дозвола од моќниците или творците од минатото“.[7] Лесиг смета дека во современата култура доминираат традиционални дистрибутери на содржини, и тоа со цел да се одржи и зајакне нивниот монопол на културните производи како популарната музика и филм. Но затоа Криејтив комонс овозможува алтернативи на овие ограничувања.[8][9]
[уреди] Раководство
Моменталниот главен извршен директор на Криејтив комонс е Џои Ито.[10]Мајк Врскасвејер е заменик-претседател, Џон Вилбенкс е потпретседател за наука, а Ахраш Бисел е извршен директор на ccLearn.[10]
[уреди] Одбор
Составот на сегашниот одбор на Криејтив комонс е следниов: Хал Абелсон, Глен Отис Браун, Мајкл Керол, Катерина Фејк, Дејвис Гугенхајм, Џои Ито, Лоренс Лесиг, Лори Расин, Ерик Залцман, Моли Шафер Ван Хаувелинг, Џими Велс и Естер Војчицки (претседател).[11]
[уреди] Технички советодавен одбор
Техничкиот советодавен одбор (Technical Advisory Board) брои пет члена: Хал Абелсон, Бен Адида, Барбара Фокс, Дон Мекгаверн и Ерик Милер. Хал Абелсон воедно членува и во одборот на Криејтив комонс.[11]
[уреди] Ревизиона комисија
Криејтив комонс има и Ревизиона комисија (Audit Committee), составена од два члена: Моли Шафер Ван Хаувелинг и Лоренс Лесиг. Двајцата се членови на одоборот на Криејтив комонс.[11]
[уреди] Видови на Криејтив комонс лиценци
Главна статија: „Криејтив комонс има шест главни лиценци:[12]
- Наведи извор (Attribution, скр. CC-BY)
- Наведи извор Сподели под исти услови (Attribution Share Alike, скр. CC-BY-SA)
- Наведи извор Без адаптирани дела (Attribution No Derivatives, скр. CC-BY-ND)
- Наведи извор Некомерцијално (Attribution Non-Commercial, скр. CC-BY-NC)
- Наведи извор Некомерцијално Сподели под исти услови (Attribution Non-Commercial Share Alike, скр. CC-BY-NC-SA)
- Наведи извор Некомерцијално Без адаптирани дела (Attribution Non-Commercial No Derivatives, скр. CC-BY-NC-ND)
Криејтив комонс има четири главни услови: Наверди извор (BY) - бара наведување на изворниот автор; Сподели под исти услови (SA) - за изведени (адаптирани) дела под иста или слична лиценца (подоцнежна или локализирана верзија); Некомерцијално (NC) - наложува делото да се користи само за недоходовни цели; и Без адаптирани дела (ND) - што дозволува да се корсити само тоа изворно дело, без создавање на негови адаптации (изведени дела).[12]
Според сегашните верзии, сите Криејтив комонс лиценци го даваат „основното право“ на редистрибуција на дело за некомерцијални цели без негово менување. Со примена на можностите NC и ND делото станува неслободно.
Покрај ова, има и дополнителни можности како CC0, т.е. „Без задржани права“.[13] За софтвер Криејтив комонс нуди три вида лиценца: BSD лиценца, CC ГНУ НОЈЛ (LGPL), и CC ГНУ ОЈЛ (GPL).[14][15]
[уреди] Употреба на Криејтив комонс лиценци во разни проекти
- Повеќе информации: Листа на проекти со Криејтив комонс лиценци
Криејтив комонс има свое вики што служи како попис на сите содржини за сите организации и проекти што користат Криејтив комонс лиценци.[16] На веб-страницата Криејтив комонс исто така дава случаи за проучување - проекти кои користат нивни лиценци од најразлични земји во светот.[17] До содржини со Криејтив комонс лиценци се доаѓа и преку разни пописи на содржини и пребарувачи.
- Википедија (cc-by-sa, од јуни 2009)
- Викија (cc-by-sa, од јуни 2009)
- Citizendium (cc-by-sa)
- knol (главно cc-by-sa или cc-by-nc-sa)
- Arduino (cc-by-sa)
- NINJAM (cc-by-sa)
[уреди] Creative Commons International
Првичните нелокализирани лиценци се предвидени за американскиот правен систем, така што содржината не е соодветна и применлица според правните норми на разни други земји. Како решение на ова постои Creative Commons International, со кој се прилагодени лиценците за да одговараат на секој локален правен сисем посебно. Во декември 2008 тука се вбројувале 50 лиценци локализирани по држави, со уште 8 во фаза на локализација, и други земји заинтересирани за пристапување.[18]
[уреди] Видете исто така
 |
Заедничката Ризница има податотеки поврзани со: „Криејтив комонс“ |
- Криејтив комонс лиценци
- Авторско право
- Авторско лево (Copyleft)
- Слободна содржина
- Отворена содржина
- Отворен пристап
- Јавен домен
- Сподели под исти услови
- CC PDF Converter
[уреди] Белешки
- ↑ (ЧПП за Криејтив комонс)
- ↑ „The Public Domain, James Boyle“. http://yupnet.org/boyle/archives/169#4. проверено на 2010-2-5.
- ↑ „History of Creative Commons“. http://creativecommons.org/about/history/. проверено на 2009-11-08.
- ↑ „History of Creative Commons“. http://creativecommons.org/about/history/. проверено на 2010-02-05.
- ↑ Broussard, Sharee L. (септември 2007). „The copyleft movement: creative commons licensing“. Communication Research Trends. http://findarticles.com/p/articles/mi_7081/is_3_26/ai_n28457434?tag=content;col1.
- ↑ Бери и Мос 2005
- ↑ Lessig, Lawrence (2004) (PDF). „Free Culture“. New York: Penguin Press. стр. 8. http://www.free-culture.cc/freeculture.pdf.
- ↑ Ermert, Monika (2004). „Germany debuts Creative Commons“. „Register“ 1: e9. doi:. http://www.theregister.co.uk/2004/06/15/german_creative_commons/.
- ↑ Lessig, Lawrence (2006). „Lawrence Lessig on Creative Commons and the Remix Culture“ (mp3). „Talking with Talis“. http://talk.talis.com/archives/2006/01/lawrence_lessig.html. проверено на 2006-04-07.
- ↑ 10,0 10,1 „People - Creative Commons“. http://creativecommons.org/about/people/. проверено на 2009-07-20.
- ↑ 11,0 11,1 11,2 „Board of Directors - Creative Commons“. http://creativecommons.org/about/people/board. проверено на 2009-09-30.
- ↑ 12,0 12,1 „Licenses - Creative Commons“. http://creativecommons.org/about/licenses/. проверено на 2009-07-20.
- ↑ „About CC0 — “No Rights Reserved”“. http://creativecommons.org/about/cc0. проверено на 2009-07-20.
- ↑ „Creative Commons GNU LGPL“. http://creativecommons.org/license/cc-lgpl. проверено на 2009-07-20.
- ↑ „Creative Commons GNU GPL“. http://creativecommons.org/license/cc-gpl. проверено на 2009-07-20.
- ↑ „Content Directories“. creativecommons.org. http://wiki.creativecommons.org/Content_Directories. проверено на 2009-04-24.
- ↑ Криејтив комонс - Случаи за проучување
- ↑ project
[уреди] Наводи
- Ardito, Stephanie C. (2003). „Public-Domain Advocacy Flourishes“. „Information Today“ 20 (7): 17,19.
- Asschenfeldt, Christiane. "Copyright and Licensing Issues—The International Commons." In CERN Workshop Series on Innovations in Scholarly Communication: Implementing the Benefits of OAI (OAI3), 12 февруари-14 февруари 2004 at CERN, Geneva, Switzerland. Geneva: CERN, 2004. (video)
- Brown, Glenn Otis. "Academic Digital Rights: A Walk on the Creative Commons." Syllabus Magazine (април 2003).
- ———. "Out of the Way: How the Next Copyright Revolution Can Help the Next Scientific Revolution." PLoS Biology 1, бр. 1 (2003): 30-31.
- Chillingworth, Mark. "Creative Commons Attracts BBC's Attention." Information World Review, 11 June 2004.
- Conhaim, Wallys W. "Creative Commons Nurtures the Public Domain." Information Today 19, no. 7 (2002): 52, 54.
- „Delivering Classics Resources with TEI-XML, Open Source, and Creative Commons Licenses“. „Cover Pages“. 28 април, 2004. http://xml.coverpages.org/ni2004-04-28-a.html.
- Denison, D.C. "For Creators, An Argument for Alienable Rights." Boston Globe, 22 декември 2002, E2.
- Ermert, Monika (15 јуни, 2004). „Germany Debuts Creative Commons“. The Register. http://www.theregister.co.uk/2004/06/15/german_creative_commons/.
- Fitzgerald, Brian, and Ian Oi. "Free Culture: Cultivating the Creative Commons." (2004).
- Hietanen, Herkko "The Pursuit of Efficient Copyright Licensing — How Some Rights Reserved Attempts to Solve the Problems of All Rights Reserved" (2008). Докторска дисертација.
- Johnstone, Sally M. "Sharing Educational Materials Without Losing Rights." Change 35, no. 6 (2003): 49-51.
- Lessig, Lawrence (2003). „The Creative Commons“. „Florida Law Review“ 55: 763–777.
- Möller Erik, The Case for Free Use: Reasons Not to Use a Creative Commons -NC License, in Open Source Jahrbuch 2006.
- Plotkin, Hal (11 февруари, 2002). „All Hail Creative Commons: Stanford Professor and Author Lawrence Lessig Plans a Legal Insurrection“. SFGate.com. http://www.sfgate.com/cgi-bin/article.cgi?file=/gate/archive/2002/02/11/creatcom.DTL.
- Schloman, Barbara F. (13 октомври, 2003). „Creative Commons: An Opportunity to Extend the Public Domain“. „Online Journal of Issues in Nursing“. http://www.nursingworld.org/ojin/infocol/info_12.htm.
- Stix, Gary (март 2003). „Some Rights Reserved“. „Scientific American“ 288: 46. http://www.sciam.com/article.cfm?chanID=sa006&colID=7&articleID=000C2691-4F88-1E40-89E0809EC588EEDF.
- Weitzman, Jonathan B., and Lawrence Lessig. "Open Access and Creative Common Sense." Open Access Now, 10 мај 2004.
[уреди] Надворешни врски
- Криејтив комонс Македонија (македонски)
- Домашна страница на Криејтив комонс (англиски)
- Вики на Криејтив комонс (англиски) (германски) (шпански) (каталонски) (француски) (хебрејски) (италијански) (португалски) (руски)
- Видеопрезентации за Криејтив комонс со превод (македонски) (англиски)
- Интервју со Филип Стојановски и Ирина Шумадиева од Криејтив комонс Македонија - „Викенд“ (македонски)
- Како функционира Криејтив комонс (PDF) (македонски)
