Договор за птици преселници

Поштенска марка на Соединетите Држави во знак на сеќавање на договорот.

Договорот или Конвенцијата за птици преселници ― договор за животна средина меѓу Канада и Соединетите Држави. Тој првично бил потпишан на 16 август 1916 година од страна на Соединетите Држави и Обединетото Кралство, (претставувајќи ја Канада), стапи во сила на 6 декември 1916 година и оттогаш бил изменет неколку пати.

Спроведување

Овој договор довел до донесување на важно законодавство за животната средина во секоја од двете земји со цел да се имплементираат условите од договорот.

Со оглед на тоа што, многу видови птици во текот на нивните годишни преселби минуваат низ одредени делови од Доминионот Канада и Соединетите Држави; и

Со оглед на тоа што, многу од овие видови се од голема вредност како извор на храна или за уништување инсекти кои се штетни за шумите и фуражните растенија на јавна сопственост, како и за земјоделските култури, и во Канада и во Соединетите Држави, но сепак се во опасност од истребување поради недостаток на соодветна заштита за време на сезоната на гнездење или додека се на пат до и од нивните места за размножување;

Неговото Височество Кралот на Обединетото Кралство на Велика Британија и Ирска и на британските доминиони преку морињата, императорот на Индија, и Соединетите Американски Држави, сакајќи да се спаси од неселективно колење и да обезбеди зачувување на птиците преселници како се или корисни за човекот или се безопасни, решиле да усвојат некаков единствен систем на заштита кој делотворно ќе ги постигне таквите цели...

Спороведување во Канада

Мон Сен-Илер во јужниот дел на Квебек бил направен засолниште за птици преселници во 1960 година.

Конвенцискиот закон за птици преселници е канадски закон основан во 1917 година и значително ажуриран во јуни 1994 година, кој содржи прописи за заштита на птиците преселници, нивните јајца и нивните гнезда од лов, трговија и комерцијализација. Потребна е дозвола за вклучување во некоја од овие активности. Еден од главните исходи од актот било создавањето на Сојузните засолништа за птици преселници.

Спроведување во Соединетите Држави

Според кодовниот насловот 16 на Соединетите Држави, Поглавје 7, Подпоглавје II, Законот за договор за птици преселници од 1918 година е законодавство на Соединетите Држави што ја спроведува конвенцијата меѓу САД и Обединетото Кралство (за Канада). Тој го замени Виксов-Меклиновиот закон, кој стапи на сила во 1913 година. Соединетите Држави подоцна склучиле слични договори со четири други нации (Канада, Мексико, Јапонија и Русија) за заштита на птиците преселници. Статутот го прави незаконски бркањето, ловењето, земањето, фаќањето, убивањето или продавањето на птиците наведени во него („птици преселници“). Статутот не прави разлика помеѓу живи или мртви птици и исто така дава целосна заштита на сите делови на птиците, вклучувајќи пердуви, јајца и гнезда. Над 800 видови моментално се на списокот.

Статутот е поделен на десет делови, од 703 до 712 (16 USC 703 до 712). Имајте на ум дека § 709 е испуштен, но § 709а Овластувањето на резервациите на средства е вклучено и активно, со што единаесет наведени делови (вклучувајќи § 709 испуштени).

Поврзано

• Ден на птицата
• Меѓународна конвенција за заштита на птиците