Дарфур

Од Википедија — слободната енциклопедија
Прејди на: содржини, барај

Дарфур (арапски: „Дом на Фурите“) е област во западен Судан. Се граничи со Либија, Чад и Централноафриканската Република. Поделен е на три сојузни држави во рамките на Судан: Северен Дарфур, Јужен Дарфур и Западен Дарфур. Зафаќа територија од 493,180 km² и има население од 7,4 милиони луѓе.

Главни етнички групи се Фурите (црнечки народ) и Багарите (арапски народ), но застапени се и други етнички групи. Односите помеѓу арапските и неарапските жители на Дарфур биле напнати во поголемиот дел од историјата.

Во 2003 година избувнува востание против арапски доминираната централна власт на Судан, која бунтовниците ја обвинија за угнетување на не-Арапите во корист на Арапите. Како одговор, суданската влада започна со масовни воздушни напади, а поддржаната од владата арапска милиција, Џанџавид, изврши голем број злосторства врз неарапското население во Дарфур. На 5 мај 2006 година главната бунтовничка група, Суданското ослободително движење, и суданската влада потпишаа нацрт мировен договор во Абуџа, Нигерија.