Далила

Далила, синодален превод Далида (хебрејски: דלילה околу XII век пр . н.е.) — во Стариот завет, жената која го предала Самсон. Повикувајќи се на Самсоновата љубов, таа ја открила тајната на херојската сила на Самсон и им го предала на неговите најголеми непријатели — Филистејците (Суд. 16:4–21).

Библиска приказна[уреди | уреди извор]

Приказната за Далила е содржана во старозаветната Книга Судии Израилеви, каде што таа е опишана како саканата на Самсон: „Потоа тој засака една, која живееше во долината на Сорек; името и беш Далила“ (Суд. 16:4). Библијата кажува дека Филистејците ѝ понудиле пари на Далила за таа со лукавство, користејќи ја љубовта на Самсон, да ја дознае тајната на неговата сила: „Дојдоа кај неа филистејските кнезови и ѝ рекоа: „Запрашај го и дознај во што му е големата сила, и како да го надмудриме, за да го врземе и да го смириме; ние пак ќе ти дадеме за тоа секој по илјада и сто сикли сребро.““ (Суд. 16:5). Далила го прашала Самсон трипати за неговата тајна, но секој пат тој ѝ давал фиктивни одговори (да се врзе со седум тетиви; нови јажиња што не биле во употреба; седум плетенки од неговата глава во ткаенината).

Користејќи го својот женски шарм, Далила сепак успеала да ја открие неговата тајна:

„

И Далида тогаш му рече: „Зошто зборуваш „те сакам“, а срцето твое не е со мене? Ете, ме измами трипати и не ми кажа, во што е твојата голема сила.“

И бидејќи таа го вознемируваше со зборовите свои секој ден и го мечеше, душата негова му се натажи до смрт.

И тој ѝ го откри целото свое срце, велејќи ѝ: „Бербер не се допрел до главата моја, зашто јас сум назореј Божји од мајчината си утроба: ако ме истриже некој, ќе ме напушти силата моја; јас ќе ослабам и ќе бидам како другите луѓе.“

(Суд. 16:15–17)

“

Во културата[уреди | уреди извор]

Во музиката[уреди | уреди извор]

Опера од Сен-Санс
Песна на Том Џонс
Kiss објави песна наречена „Modern Day Delilah“ на нивниот албум Sonic Boom од 2009 година.
Групата NAADYA објави песна наречена „Далила“ од албумот „NAADYA“ од 2014 година.
The Cranberries ја објавија песната „Delilah“ на нивниот албум „Bury the Hatchet“ од 1999 година.
Уметникот Ван Стивенсон ја издаде песната „Modern Day Delilah“ како дел од албумот „Righteous Anger“ од 1984 година.
Florence and the Machine ја снимија песната „Далила“ за албумот од 2015 година „How Big, How Blue, How Beautiful “.