Гонореја

Од Википедија — слободната енциклопедија
Прејди на: содржини, барај


Гонореја
Класификација и надворешни извори
SheMayLookCleanBut.jpg
За време на Втората светска војна, владата на САД користела постери за да ги предупреди војниците за опасностите од гонореа и другите полово преносливи болести.
МКБ-10 A54
МКБ-9 098
MedlinePlus 007267
eMedicine article/782913
MeSH D006069

Гонорејата(Gonorrhoea) е инфективно полово заболување, кое се пренесува со полов контакт, може да се пренесе од мајката на плодот за време на бременоста, а многу ретко преку заразени предмети (облека, крпа, сунѓер) и ја предизвикува бактеријата Neisseria gonorrhea. Извор на зараза е заразен човек и се пренесува со директен полов контакт преку кожа и слузокожа на половите органи. Клиничката слика на гонореја е различна кај мажи и кај жени.

Први знаци на инфекција(гонореја)[уреди]

Кај мажи првите знаци на инфекција се јавуваат 2-5 дена по инфекцијата и тоа се јавува печење и болка за време на мокрењето, бел, жолт или зелен исцедок од половиот орган и отечени се регионалните лимфни јазли и се покачува и телесната температура. Кај жени знаците на инфекција се послабо изразени. Се јавуваат знаци на инфекција на мочниот меур, болки при мокрењето, печење, чешање, постојат знаци на инфекција на цервиксот од каде се цеди гноен секрет, слузожата е црвена, болна и отечена. Инфицираните жени се подложни на висок ризик од сериозни компликации поради инфекцијата без разлика на отсуството на симптоми.

Компликации[уреди]

Нелечената гонореја може да предизвика сериозни и трајни здравствени проблеми како кај жените така и кај мажите. Кај мажите, гонорејата може да предизвика епидидимитис, што е всушност болна состојба кај која се појавува залепување на семеводите кај тестисите која може да предизвика стерилност доколку не се лекува. Гонорејата може да се пренесе во крвта или на зглобовите. Ваквата состојба може да биде фатална. Кај жените, гонорејата е главен предизвикувач на воспалување на внатрешните полови органи.

Симптоми[уреди]

Симптомите може да бидат благи или неподносливо болни и да предизвикуваат абдоминални болки и треска со висока температура. Доколку бремена жена има гонореја, таа може да го зарази бебето за време на пораѓањето, односно додека тоа поминувало низ родилниот канал. Инфекцијата може да предизвика слепило, инфекција на зглобови или инфекција на крвта која може да биде опасна по живот.

Лечење[уреди]

Лечењето на гонореја веднаш штом се открие, го намалува ризикот од наведените компликации. Се дава антибиотска терапија - пеницилин. Превенција од гонороична инфекција е избегнување на полови контакти со непознати, ризични или заболени лица, лекарски преглед при секој симптом на печење, болка и оток на гениталните органи. Кај бремените жени навременото откривање на инфекција и неговото лекување ги спречува понатамошните компликации кај плодот.

Надворешни врски[уреди]