Големи мачки
Терминот голема мачка се употребува за да се издвојат поголемите видови на мачки од помалите. Според една дефиниција, во големи мачки спаѓаат само четирите видови кои припаѓаат на родот Panthera: тигарот, лавот, леопардот и јагуарот. Поопширната дефиниција ги опфаќа и видовите на гепард, снежен леопард, облачен леопард и пума.
Три од четирите најголеми мачки се членови на родот Panthera, четвртата е пумата која е поголема од леопардот. Некои средно големи мачки како евроазискиот рис кој достигнува тежина и до 30 килограми, не се сметаат за големи мачки.
И покрај големите разлики во нивната големина, различните видови на мачки имаат многу слична структура и однесување. Сите мачки се карнивори и одлични ловци. Нивната распространетост ги опфаќа континентите Америка, Африка Азија и Европа. Само Австралија и Антартик немаат ендемични видови на мачки.
Содржина |
[уреди] Рикање
Способноста за рикање доаѓа од издолжениот и специјално адаптиран грклан и подјазична коска[1]. Кога воздухот минува низ гркланот на патот кон белите дробови, ѕидовите на гркланот вибрираат и произведуваат звук. Гркланот на лавот е најдолг, што му дава најснажно рикање. Само четири мачки имаат физичка структура за да произведуваат рикање, тоа се јагуари, леопарди, лавови и тигри.
[уреди] Видови
Фамилија Felidae
- Род Panthera
- Леопард (Panthera pardus) – Азија и Африка
- Лав (Panthera leo) – Африка, Индија, изумрен во Европа, Среден Исток, поголемиот дел од Азија и Северна Америка)
- Јагуар (Panthera onca) – Северна Америка и Јужна Америка
- Тигар (Panthera tigris) – Азија
- Род Acinonyx
- Гепард (Acinonyx jubatus) – Африка и Иран
- Род Puma
- Пума (Puma concolor) – Северна и Јужна Америка
- Род Uncia
- Снежен леопард (Uncia uncia) – централна и јужна Азија
- Род Neofelis
- Борнејски облачен леопард (Neofelis diardi) – Борнео и Суматра
- Облачен леопард (Neofelis nebulosa) - јужна и југоисточна Азија
[уреди] Наводи
- ↑ Weissengruber, GE (Септември 2002). „Hyoid apparatus and pharynx in the lion (Panthera leo), jaguar (Panthera onca), tiger (Panthera tigris), cheetah (Acinonyx jubatus) and domestic cat (Felis silvestris f. catus)“. „Journal of Anatomy“. Anatomical Society of Great Britain and Ireland. стр. стр. 195–209. doi:. http://www.pubmedcentral.nih.gov/articlerender.fcgi?artid=1570911. проверено на 16 јануари 2009.
[уреди] Надворешни врски
- NatureFootage Слики и видеа од големи мачки
- Колку се големи големите мачки - артикл на Big Cats Online кој вклучува споредби на големините на неколку видови мачки
- ARKive - слики и видеа од загрозени видови на големи мачки
- Humane Society of the United States -- статија за големи мачки како домашни миленичиња
- Big Cat Rescue -- Тампа, Флорида засолниште за заштита на големи мачки
- In-Sync Exotics -- Тексас, згрижување на големи мачки
- FCF Big Cat Policy
- WHF -- Wildlife Heritage Foundation (Европска програма за размножување на загрозени видови)
- слики од Wildlife Heritage Foundation
- [1] -- Заштита на егзотични мачки
