Бертранд Делано

Од Википедија — слободната енциклопедија
Прејди на: содржини, барај
Бертранд Делано
Bertrand Delanoë

Во служба
Стапил
25 март 2001
Претходник Жан Тибери

Сенатор на Париз
Во служба
24 септември 1995 – 27 март 2001

Член на French National собрание
за Париз (26th constituency)
Во служба
21 јуни 1981 – 1 април 1986
Претходник Жоел ле Тац
Наследник Ален Жупе
Лични податоци
Роден(а) 30 мај 1950 (1950-05-30) (64 г.)
Тунис (град), француски Тунис
Националност Французин
Партија Социјалистичка партија
Портал bertranddelanoe.net

Бертран Деланое (француски: Bertrand Delanoë) (роден 30 мај 1950 Тунис (град), француски Тунис) е француски политичар и градоначалник на Париз од 2001 година (реизбран до 2014). Истакнат член е на Социјалистичката Партија на Франција. Тој е потенцијален кандидат за Претседател на Франција во 2012 година.

Детство и образование[уреди]

Деланое е роден во градот Тунис (Тунис) во француско-туниско семејство. За време на детството, се доселуваат во Франција. На 6 годишна возраст станува член на локален хор. На 11 годишна возраст, е сведок на битката кај Бизерт (северен Тунис). По доселувањето во Франција, се запишува на правни студии во Тулуз. Стекнува и диплома по економски науки.

Политичка кариера[уреди]

Политичката кариера ја започнува на 23 годишна возраст, како секретар на Социјалистичката федерација во Авејрон. Во 1977 за прв пат е избран за советник во Париз. Во 1993, станува претседател на огранокот на Социјалистите за Париз. Во 1995 е избран за Сенатор во францускиот Сенат, а истовремено ја врши и функцијата секретар на Комитетот за Надворешни работи и одбрана.

Градоначалник на Париз[уреди]

Деланое е избран за градоначалник на Париз на 18 март 2001 година, кога за прв пат по Француската Комуна од 1871, контролата врз општинскиот Совет ја презема левицата. Изборите ги добива со целосна поддршка на неговите Социјалисти, партијата на Зелениете и Комунистите, со што го поразува конзервативниот противкандидат. На функцијата Градоначалник, доаѓа како наследник на Жак Ширак (1977-95) и Жан Тибери (1995-2001).

Се’ до изборите во 2001. Деланое беше малку познат во јавноста. Неговите активности, како организирањето на културни и рекреативни настани (Paris Plage и слични) му донесоа популарност кај париските семејства. Неговите идеи од овој вид, денес на широко се применуваат низ многу светски градови. Откако стапи на должноста, Деланое започна со остварување на изборната програма, која пред се е концентрирана на подобрувањето на квалитетот на животот, намалувањето на загадувањето и редуцирање на сообраќајот и зголемувањето на пешачките и велосипедски патеки низ Париз. Минатата година е реизбран со поддршка од 57,7%. Оваа година, тој остро се спротистави на изјавата на папата Бенедикт, во која тој изјави дека користењето кондоми е бескорисно, дури и контрапродуктивно во борбата против СИДА-та.

Обид за атентат[уреди]

На 5-ти октомври 2002 година, Деланое преживеа обид за атентат, кога за време на фестивалот “Бели ноќи“ психички болно лице го избоде со нож. Изјавата на напаѓачот (Азедин Беркан) била дека нападот бил резултат на неговата омраза кон политичарите, Социјалистичката Партија и хомосексуалците. Деланое ја напушти болницата по две недели од нападот, додека напаѓачот беше вратен во психијкатриска болница каде претходно долго се лекувал.

Олимписки игри 2012[уреди]

Како најголем неуспех на Деланое, се смета необезбедувањето Париз да биде домаќин на наредните Олимписки Игри (Лондон, 2012). Сепак, спротивно на очекувањата, популарноста на Деланое по овој неуспех се зголеми. Причината за ова беше што јавноста за науспехот го обвинуваше Претседателот Ширак, кој со цел да ја оцрни Британија имаше изјавено дека “полоша храна од британската, е само финската“ и дека “единствениот придонес на Британија за европското стопанство е кравјото лудило“ што наиде на остри реакции кај Тони Блер и комисијата за доделување на организацијата на Игрите.

Приватен живот[уреди]

Во текот на 1998 година, на телевизиско интервју, Деланое соопшти дека е хомосексуалец.

Надворешни врски[уреди]