Алан Форд

Од Википедија — слободната енциклопедија
Прејди на: содржини, барај
Групата ТНТ

Алан Форд е италијански стрип создаден од страна на Макс Банкер (Лучиано Секи) и Магнус (Роберто Равиола), кој за прв пат бил испечатен во 1969.[1] Во стрипот сатирично е опишан животот на една група тајни агенти исполнато со многу надреалности и црн хумор. Иако овој стрип се прослави во Италија, кратко по неговото претставување, Алан форд остана релативно непознат надвор од неа. Француските и бразилските изданија брзо се повлекоа поради неуспех, но во СФР Југославија стрипот наиде на огромна популарност, и доживеа голем успех, станувајќи еден од најпопуларните стрипови на тие простори.[2][3]

Приказна во стрипот ги следи авантурите на неколку тајни агенти од групата ТНТ чие седиште се наоѓа во една цвеќара во Њујорк. Иако овие агенти се неспособни и мрзеливи, сепак кога станува збор за нивните сопствени интереси тие се интелегентни и итри, и секогаш го добиваат тоа што го сакаат. Овие агенти се предводени од нивниот лидер во инвалидска количка на кого сите му се обраќаат како „Број 1“, тој е парализиран старец со долга брада и голем нос чие право име и возраст не се познати.

Ликови[уреди]

Низ серијалот, кој се одржува со по една епизода месечно уште од 1969 година дефилираат низа ликови, чиј морал и постапки се често контроверзни.

Група ТНТ[уреди]

  • Алан Форд е убав, но наивен русокос сирак, кој често упаѓа во неволји и се труди да делува помирително во односите меѓу луѓето. Особено нема среќа со жените, кои најчесто го искористуваат, почнувајќи од супер-шпијунката Марго, завршувајќи со Бренда, негова најдолготрајна девојка за која се испоставува дека е агент на Големиот Цезар.
  • Боб Рок е низок, со голем нос, кавгаџија, облечен во наметка и капа на Шерлок Холмс (автопортрет на цртачот Магнус).
  • Бројот Еден е стар паралитичар со долги нос и брада, водач на Групата ТНТ. Наводно имал познанства со разни историски личности, од Хомер па навака. Има мало книжуле во кое чува инкриминирачки податоци за многумина, особено за њујоршките полицајци („фрит, фрит“).
  • Сер Оливер, англиски аристократ со монокол, перфектни манири и лепливи прсти.
  • Грунф, пронаоѓач и пилот, Германец по потекло.
  • Дебелиот Шеф, односно Гервасиус Твинклеминкенсон е автопортрет на авторот Бункер.
  • Еремија (Јеремија) е тежок хипохондар.
  • Заморецот Сквики
  • Песот Носко (Носоња)
  • Папагалот Клодовик
  • Мачката Пруди
  • Питонот Ксерес

Сојузници (најчесто)[уреди]

  • Бродвејскиот импресарио Тобија Квантрил, пријател на Бројот Еден и сопственик на Ксерес.
  • Неспособниот полициски инспектор Брок.
  • Претставниците на тајната служба на САД, генералот Војна и неговиот помошник Берт.
  • Бразилката Покита, убавица која обично е топлес, промискуитетна и добродушна.
  • Покито, глувонем брат на Покита и готвач со ужасно реноме.

Негативци[уреди]

Преводи[уреди]

Освен на италијански, Алан Форд излегувал на просторите на бивша Југославија и во Франција.

Во Македонија првите достапни изданија на Алан Форд беа на хрватски јазик, во издание на загребски „Вијесник“, во седумдесеттите години на двесеттиот век. Особен печат на читателската публика остави преведувачот од тоа време хрватскиот писател Nenad Brixy. По распадот на СФРЈ, се појави и издание на македонски јазик, кое издржа не повеќе од дваесет изданија. Од 2004 се достапни изданија на српски јазик, кои се објавуваат со еден месец задоцнување, но по популарна цена од 30 денари.

Стандардните изданија на Алан Форд се мал формат, секогаш во формат од 120 страници поделени на две сликички нацртани во црно-бела техника. Исклучок беа репринтите на класични епизоди објавени во „Макси супер стрип“, магазин на „Вијесник“ со А4 формат, во текот на осумдесеттите години.

Почнувајќи од месец септември 2008 година, во Македонија повторно започна да излегува стрипот Алан Форд на македонски јазик и кирилично писмо. Досега се излезени 4 броеви, со висок квалитет на кориците и хартијата. Издавач на новото македонско издание е „Варм Комикс“ од Прилеп.

Надворешни врски[уреди]


Грешка во наводот: Статијата има ознаки <ref>, но не ја најдов потребната ознака {{наводи}} (или <references/>).