Ресекција
Ресекцијата е хируршко отстранување на одредени ткивни делови на орган или тумор. Зборот „ресекција“ доаѓа од доцниот латински „resectio“ = отсекување, или „resecare“ = отсекува. Примери се ресекција на дебелото црево, т.е. делумно отстранување на дебелото црево или делумна ресекција на штитната жлезда (ресекција на струма). Ако при ресекцијата се отстранат и соседни структури, ова се нарекува en bloc ресекција.
Терминологија[уреди | уреди извор]
Ресекцијата („отсекување“) обично се разликува од ектомија („отстранување“) или целосна екстирпација (отстранување на цел орган, како на пример при гастректомија, хистеректомија или тироидектомија) и делумна екстирпација.
Во истата смисла, во стоматологијата - особено во ендодонцијата - ресекција на врвот на коренот значи отстранување само на дел од коренот на забот (имено неговиот врв).
Поради модерната англиско-стручна комуникација, некои остри разлики меѓу термините стануваат сè понејасни. На пример,гастричната ресекција секогаш значење делумно отстранување на органи, додека гастректомијата значење целосно отстранување на желудникот. Во англиско-американската литература се зборува за делумна или целосна гастректомија или ресекција на желудникот. Поради ова, сѐ повеќе се употребуваат англиско-америкаснките термини целосна или делумна ресекција. Меѓутоа, во вистинската смисла на зборот, не постои такво нешто како „делумна ресекција“, бидејќи терминот ресекција, како што е опишано погоре, веќе го опишува единствениот делумен карактер на отстранувањето, додека целосното отстранување секогаш ќе биде „-ектомија“.
Ресекција на тумор[уреди | уреди извор]
Во зависност од целта и анатомските услови, може да се направат неколку видови ресекции.
- R0 ресекција: потполно отстранување
- R1 ресекција: микроскопски делови на туморот се преостанати (се утврдува со патолошка анализа на отстранетиот тумор)
- R2 ресекција: макроскопски делови од туморот се преостанати (дијагноза со операција)
- Ен блок ресекција: отстранување со соседни структури
Ресекција на белите дробови[уреди | уреди извор]
Ресекцијата на белите дробови, за прв пат била спроведена во 1881 година од Темистокле Глук кај кучиња и кај луѓе за прв пат во истата година од Карл Ото Блок кај пациент со туберкулоза во Берлин, но со фатален исход.[1] Ресекцијата на белите дробови оже да се изврши или врз основа на анатомските граници или атипично. Кај атипични ресекции или клинести ресекции, анатомските структури на делот од белите дробови што треба да се отстранат не се прецизно претставени, туку едноставно се користи уред за одвојување на делот што треба да се ресецира, во V-форма или тангенцијално.
Анатомската ресекција може да се изврши врз основа на анатомските граници на белодробните лобуси или сегментите на белите дробови. Можни се сите градации, од една сегментектомија до билобектомија.
Гастрична ресекција (ресекција на желудникот)[уреди | уреди извор]
Во случај на бенигни и малигни заболувања, можат да се отстранат делови од желудникот (на пр. како ресекција на две третини или ресекција на три четвртини) или целиот стомак.
Други примери за ресекција[уреди | уреди извор]
За третман, на пример, на зараснувања (адхезии) на тетивите на дланката на раката, израсток на коска во акромиоклавикуларниот зглоб или коскени израстоци петицата, се користат минимално инвазивни или отворени операции.
Наводи[уреди | уреди извор]
- ↑ Friedrich Wilhelm Gierhake, Julius Muasya Kyambi: Lunge und Pleurahöhle. In: Franz Xaver Sailer, Friedrich Wilhelm Gierhake (Hrsg.): Chirurgie historisch gesehen. Anfang – Entwicklung – Differenzierung. Mit einem Geleitwort von Rudolf Nissen. Dustri-Verlag Dr. Karl Feistle, Deisenhofen bei München 1973, ISBN 3-87185-021-7, S. 153–163, hier: S. 153 f.