Пинк Пантер

Пинк Пантер — ликот од цртаните.

Пинк Пантер (англиски: Pink Panther = Розов Пантер) — лик од цртаните филмови. Карактерот првобитно се појавил на почетните и одјавните шпици во еден филм наречен Пинк Пантер во 1963. год. Популарноста на ликот ги охрабрила авторите да започнат серија од кратки цртани филмови. Кул-мачката била ѕвезда во 124 цртани, десет телевизиски шоу-програми и три специјални ТВ-емисии.

Творец на ликот е Фриц Фриелинг, а цртаните филмови ги правел заедно со Дејвид Депати. Пинк Пантер освоил Оскар за кус анимиран филм во 1964 година.

Од септември 2007., цртаните со Пинк Пантер можат да се видат на каналот „Бумеранг“ на „Картун нетворк“, каналот „Аниманиа ХД“ на „Вум ХД нетворк“, а издадено е и ДВД со целата колекција од филмови.

Препознатливата карактеристична музичка тема за серијалот цртани филмови (1964-1980) е дело на американскиот композитор Хенри Мансини.