Морско ниво

Морско ниво или морско рамниште (најчесто подразбира средно морско ниво) — просечното ниво на површината на дадено море или сите океани: Оваа вредност се зема како појдовна при изразувањето на надморска височина во картографијата and морепловството и воздухопловството. Во последниот случај, ова е стандардна надморска височина на која се мери атмосферскиот притисок за баждарење на висината на која ќе лета воздухопловот.

Во поедноставни ситуации, како стандард се зема средниот водостој помеѓу плимата и осеката на некое место.^[1]

Морското ниво го засегаат повеќе чинители и истото се разликувало во различни геолошките периоди. Така, внимателното мерење на морското ниво претставува важен показател за климатските промени и неговото покачување се наведува како доказ за глобално затоплување.^[2]

Поимот надморска висина најчесто се однесува на средна/просечна надморска висина (С.Н.В или П.Н.В) и се изразува во метри (М.Н.В)

Средно морско ниво

Средното морско ниво (СМН) обично се дефинира како просечно релативно морско ниво во некој временски период, како што е месец или година, доволно долг за да може да се изведе просек од непостојаните вредности какви што се брановите.^[3]

Пораст на средното морско ниво

Евстатскиот пораст на морското ниво е промена во глобалното средно морско ниво поради промената на зафатнината на светскиот океан. Релативниот пораст на морското ниво се јавува онаму каде што постои нето-пораст нивото на океанот во однос на месните движења на копното^[3]. Творците на климатските модели главно се задржуваат на процената на евстатската промена на морското ниво. Истражувачите на влијанијата главно се осврнуваат на релативната промена на морското ниво.

Поврзано

Наводи

↑ What is "Mean Sea Level"? (Proudman Oceanographic Laboratory).
↑ Solomon et al., Technical Summary, Section 3.4 Consistency Among Observations Архивирано на 2 ноември 2018 г. in IPCC AR4 WG1 2007; Hegerl et al., Executive summary, Section 1.3: Consistency of changes in physical and biological systems with warming Архивирано на 14 мај 2017 г. in IPCC AR4 SYR 2007.
↑ ^3,0 ^3,1 „Толковен речник за климатски промени“. Министерство за животна средина и просторно планирање. 27 октомври 2014. Посетено на 27 септември 2023.

Надворешни врски

Колку е комплицирано мерењето на морското ниво?^{[мртва врска]} (македонски)
Карта на промената на морското ниво — JPL (англиски)

[1] What is "Mean Sea Level"? (Proudman Oceanographic Laboratory).

[2] Solomon et al., Technical Summary, Section 3.4 Consistency Among Observations Архивирано на 2 ноември 2018 г. in IPCC AR4 WG1 2007; Hegerl et al., Executive summary, Section 1.3: Consistency of changes in physical and biological systems with warming Архивирано на 14 мај 2017 г. in IPCC AR4 SYR 2007.

[Толковен-3] 3,0 ^3,1 „Толковен речник за климатски промени“. Министерство за животна средина и просторно планирање. 27 октомври 2014. Посетено на 27 септември 2023.

[1]

[2]

[3]