Марија Накова
| Проф. Д-р Марија Накова | ||
| ||
| Родена | 1946 Радовиш, Македонија | |
|---|---|---|
Проф. Д-р Марија Накова (1946, Радовиш) е истакнат македонски стоматолог, специјалист по болести на устата и забите, прв доктор по стоматолошки науки во Македонија[1], редовен професор на Стоматолошкиот факултет при Универзитетот „Св. Кирил и Методиј“ во Скопје и претседател на Стоматолошката комора на Македонија.
Кариера[уреди | уреди извор]
Проф. д-р Марија Накова е родена во 1946 година во Радовиш. Дипломирала на Стоматолошкиот факултет во Скопје во 1971, а во 1975 се здобила со звањето „специјалист по болести на устата и забите“. Со научниот степен „магистер по стоматолошки науки“ на Медицинскиот факултет во Скопје се здобила во 1976 г. а во 1980 г., била промивирана како прв „доктор по стоматолошки науки“ во Македонија.
Сознанијата од подрачјето на професионален интерес - прогресивна пародонтопатија, ги збогатила преку студијски престои (Турку, Финска), кај експертот за пародонтопатија Проф. Paunio Keyo.
Редовен професор на Катедрата за болести на устата и пародонтот е од 1992.
Учествувала или била роководител во реализацијата на три научноистраживачки проекти.
Во периодот 1992-1998 г. била продекан, а од 1998 г. до сега, била избирана за декан на Стоматолошкиот факултет во три мандати. Во 2002 г. била иницијатор и реализатор на додипломски студии за стручни забни техничари и стручни стоматолошки сестри.
Била член на Редакцискиот одбор на првото издание Македонска стоматолошка библиографија (1989) по повод 35-годишнината на Стоматолошкиот факултет и главен уредник на нејзиното второ издание (2004), посветено на 45-годишниот јубилеј на Факултетот. Била уредник на едицијата „Галерија на кадрите на Стоматолошкиот факултет (1959-1999)“, објавена по повод 40-годишниот јубилеј на Факултетот. Во периодот 1997-2000 г. била главен и одговорен уредник на стручното списание Македонски стоматолошки преглед, а истата функција ја обавува и денес.
Автор е на монографијата „За стоматолошката болка“ (1998) и на учебниците „Основи на оралната физиологија и биохемија“ (2002) и „Орална патологија“ (2003).
Добитник е на највисоки признанија и награди.[2][3][4].
Наводи[уреди | уреди извор]
- ↑ „Стоматолошки факултет - Декан“. Архивирано од изворникот на 2008-09-05. Посетено на 2010-11-08.
- ↑ „Стоматолошки факултет - Декан“. Архивирано од изворникот на 2008-09-05. Посетено на 2010-11-08.
- ↑ „Стоматолошка комора на Македонија“. Архивирано од изворникот на 2010-10-10. Посетено на 2010-11-08.
- ↑ „ГЛАДНИОТ НАРОД НЕ ВОДИ СМЕТКА ЗА ЗАБИТЕ“. Архивирано од изворникот на 2016-03-04. Посетено на 2010-11-08.