Македонија (салата)

Од Википедија, слободната енциклопедија
Прејди на: содржини, барај
Салатата „Македонија“

Салатата Македонија содржи различни овошја сецкани на ситни парченца. Најчесто се служи за десерт. Рецептот може да варира, но состојки како портокал, банана и јаболко се содржани во скоро сите варијанти.

Зборот „македонија“ со значење мешана овошна салата бил популаризиран на крајот на 18 век, посочувајќи на разновидните потекла на луѓето во Македонското Царство на Александар Велики.[1][2] Постои едно верување дека се однесува на етничката разновидност во регионот Македонија во 19 век, но хронологијата и современите извори ја побиваат оваа интерпретација. Macedoine може да се однесува на секаква збирка на неповрзани работи, не само за јадење.[3]

Во Македонија постои[се бара извор] урбана легенда дека првпат била направена на Версајскиот мировен договор во 1919 година, каде што била послужена како десерт на преговарачите, а името ѝ го ставил главниот готвач на преговорите во Париз, кој бил по потекло Македонец и со ситното сецкање на овошјата алудирал на состојбата на својата држава во тоа време, но не постојат апсолутно никакви показатели дека било кој дел од ова тврдење има основа.

Наводи[уреди]

  1. Juan Antonio Cincunegui, "La palabra en el tiempo", Nuevo Siglo, 24 ноември, 2002, Буенос Аирес, Аргентина
  2. Auguste Scheler, Dictionnaire d'étymologie française d'après les résultats de la science moderne, 1888, p. 313
  3. Alan Davidson, The Oxford Companion to Food, Оксфорд, 1999. ISBN 0-19-211579-0. Littré. Larousse du XIXe. "macedoine" gives 1740 as the earliest French usage; the on-line edition (as of December 27, 2006) refers to the derivation from Alexander as "not fully established". The earliest English uses are from Henry Luttrell's poetry, in 1820; and his notes to the revised edition.