Лох Теј

Лох Теј
*Loch Tay* / *Loch Tatha*
Лох Теј; Loch Tay / Loch Tatha
	Лох Теј гледан од Кенмор
Местоположба	Пертшир, Шкотска
Координати	56°30′56″N 4°08′46″W / 56.51556°N 4.14611°WКоординати: 56°30′56″N 4°08′46″W / 56.51556°N 4.14611°W
Тип	слатководен лох
Главен прилив	Дохарт, Лохеј
Земји во сливот	Велика Британија
Макс. должина	23 км
Површина	26,4 км2
Макс. длабочина	150 м
Населени места	Килин, Кенмор, Лоерс

Реконструиран краног на Лох Теј

Лох Теј (англ. Loch Tay, гел., Loch Tatha) е слатководен лох во средишниот дел на Горите во Шкотска, во округот Пертшир.

Лохот е тесен и долг, и ја следи линијата на долината во превец од југозапад кон североисток. Долг е 23 км, а просечната ширина се движи од 1,6 до 2,4 км. Ова е шести по големина лох во Шкотска по површина. Најголемата длабочина изнесува 150 м.

Над северниот брег на лохот се издига планината Бен Лоерс (1214 м), што е 10-та по височина во Британија. Врвот е највисок од групата од седум врва („манро-а“).

Поголеми населени места во подрачјето се селата Килин и Кенмор. Килин е сместен на чело на лохот, а Кенмор се наоѓа кај изливот na реката Теј. На јужната страна на лохот се протегаат помалите места Ахарн, Ардониг и Ардталниг, а на северната страна се селцата Фјарнан и Лоерс. Во лохот се влеваат реките Дохарт и Лохеј, како и повеќе мали потоци.

Лохот е популарно место за риболов на лосос.

Во Железно време, жителите на месноста живееле во одбранбени наколни живеалишта во лохот наречени „кранози“. Во лохот се пронајдени преку 20 потомени кранози. Близу центарот на кранози е реконструиран еден примерок.