Виолета Петроска-Бешка

Виолета Петроска-Бешка
Родена	Виолета Радомирова 13 ноември 1956(1956-11-13) Скопје, СФР Југославија
Националност	Македонка
Занимање	психолог, универзитетска професорка

Виолета Петроска-Бешка (моминско: Радомирова; 13 ноември 1956 во Скопје) — македонски психолог и универзитетска професорка на Филозофскиот факултет во Скопје.

Животопис

Дипломирала психологија на Филозофскиот факултет во Скопје (1979), магистрирала на универзитетот Колумбија универзитетот во Њујорк (1982), а докторирала на Филозофскиот факултет во Белград (1989). На Филозофскиот факултет во Скопје се вработила во 1980 година, а редовен професор е од 1999 година. По дополнителната едукација на универзитетот Колумбија во Њујорк (1994), нејзиниот научно-стручен ангажман се проширува и на полето на разрешувањето конфликти и меѓуетничко разбирање. Кораководител е на Центарот за човекови права и разрешување на конфликти во Институтот за социолошки и политичко-правни истражувања (од 2001). Објавила голем број трудови, учебници и прирачници.