Весна Гаврил

Весна Гаврил
Родена	3 април 1989 Ресен
Националност	Македонка
Занимање	глумица

Весна Гаврил-Тапшановска (Ресен, 3 април 1989) — македонска театарска и телевизиска глумица.

Животопис

Весна Гаврил е родена на 3 април 1989 година во Ресен. Дипломирала во Универзитетот за аудиовизуелни уметности ЕСРА, на отсекот за глумечка игра во класата на Ѓорѓи Јолевски во 2011 година. Вработена е во Македонскиот народен театар од 2014 година.

Театрографија

• Ученик — „Р“ од Јордан Плевнеш, р. Дејан Пројковски, МКЦ, 2006;
• Хор — „Троил и Кресида“ од Вилијам Шекспир, р. Љубиша Ристиќ, МНТ, 2006;
• Вини — „Play Beckett/Среќни денови“ од Семјуел Бекет, р. Ѓорги Јолевски, Драмски театар - Скопје, сипломска претстава, 2008;
• Игнација — „Душички“ од Загорка Поп-Антоска Андоновска, р. Загорка Поп-Антоска Андоновска, НУЦК „Трајко Прокопиев“ - Куманово, 2008;
• Косара — „Владимир и Косара“ од Загорка Поп-Антоска Андоновска, р. Слободан Милатовиќ, Министерство за култура на РМ, Министерство за култура на Црна Гора, Скопско лето и Барски љетопис, 2009;
• Силвија — „Тигар“ од Мореи Шизгал, р. Драган Велјановски, МКЦ, 2011;
• Учителка по англиски — „Госпоѓа Министерка“ од Бранислав Нушиќ, р. Наташа Поплавска, МНТ, 2015.

Филмографија

Телевизиски серии

• „Македонски стари приказни“, Сител ТВ, р. Драган Велјановски (2011).
• Магдалена - "Тврдокорни", МРТ 1, епизоди "Јане Сандански" и "Тодор Паница", р. Миле Грозданоски (2014-2015).
• „Македонски народни приказни“, МРТ 1, р. Миле Грозданоски (2015).

Синхронизации

• Синхронизација на анимираната детска серија „Бон Тон“.
• Синхронизација на Турски серии на Сител-телевизија.

Награди

• Добитник на „Златен Аполон“ за најдобра глумица за улогата на Косара во претставата „Владимир и Косара“, 2009.

Надворешни врски

• Весна Гаврил на Семрежната филмска база на податоци (англиски)