Бомбајска мачка
Бомбајска мачка — раса кусовлакнеста домашна мачка. Бомбајските мачки се црни мачки со мускулна градба и имаат карактеристични големи светли бакарно-златни очи.[1][2][3] Расата е именувана по индискиот град Бомбај (Мумбаи),[4] што се однесува на живеалиштето на индискиот црн леопард.[5]
Постојат две различни варијанти на расата: американска Бомбајска и британска Бомбајска мачка, а и двете се нарекуваат само Бомбајска. Бомбајските мачки од американски тип биле развиени со вкрстување на американски бурмански и црни американски мачки со кратко влакно,[1][5] за да се добие мачка од претежно бурмански тип, но со елегантно црно крзно налик на пантер со бакарно-златни очи. Бомбајските мачки од британскиот тип се цврсти црно-обоени азиски мачки од азиската група, мешавина на европска бурманска и персиска мачка.[1][6] Британскиот тип потекнува од три погрешни спарувања на европски бурмански мачки со црни домашни мачки со кусо влакно.
Оваа статија го опфаќа американски тип, а за британскиот тип видете ја статијата азиска мачка.
Историја[уреди | уреди извор]
Расата била развиена од Ники Хорнер, одгледувач од Луисвил, Кентаки, кој, почнувајќи од 1958 година, се обидел да создаде раса на мачки што личат на минијатурен црн пантер.[4][5][7] Првиот обид бил неуспешен, но вториот, во 1965 година, бил успешен. Расата била официјално призната и регистрирана од Здружението на љубители на мачки во 1970 година и Меѓународното здружение за мачки во 1979 година.[4][7]
Изглед[уреди | уреди извор]
Бомбајската мачка е раса на домашна мачка со кусо влакно, тесно поврзана со Бурманската мачка. Бомбајските мачки се карактеризираат со целосно црно крзно, вклучувајќи ги и мустаќите, кожата, табаните, кожата на носот и устата. Крзното е сјајно без никакви бели делови (исклучоци се дозволени кај мали мачки, помали од 2 години).[4] Очите се секогаш со бакарно-златна боја,[1][2] а зелени очи не се дозволени.[2][3]
Бомбајската мачка има средна големина, ориентален тип на тело, мускулесто.[1][4] Нивната тежина се движи помеѓу 2,5 до 5 килограми,[1] при што мажјаците обично се потешки од женките.[3][8]
Стандард за расата[уреди | уреди извор]
Тело: средна големина, грациозно и издолжено тело од ориентален тип.[1] Елегантна опашка со средна должина.[3]
_(cropped).jpg)
Глава: заоблена без остри агли.[3] Обликот е мазен. Муцката е кратка.[2][3] Ушите со средна големина се широко поставени, прави и заоблени на врвовите. Големите, тркалезни очи се поставени далеку[3] и секогаш се бакарни,[2] но може да варираат од светло портокалова до златна боја.[3] Зелените очи не се дозволени.[2][3]
Крзно: Кратко, густо и сјајно, стегнато за телото, со сјај.[3]
Тежина: Кај женките, просекот е од 6 до 8 килограми. За мажјаците, просекот е од 8 до 10 килограми.[6]
Здравје[уреди | уреди извор]
Здравиот мачка од оваа раса има просечен животен век од 15 години, а познато е дека некои живеат и до 20 години.[8] Тие може да имаат некои проблеми со носот и синусите, како и гингивитис.[9] Нивниот внес на храна треба да се контролира за да се избегне прејадување.
Темперамент[уреди | уреди извор]
Личноста на оваа мачка тежнее да биде многу општествена, обележана со силна приврзаност кон семејствата и се карактеризира со желба за внимание. Како раса, тие се многу погодни за деца.[10]
Бомбајските мачки се задоволни доколку живеат во затворен простор и можат удобно да живеат во еднособен стан, сè додека сите нивни потреби се задоволени.[11] Тие претпочитаат тивка околина.[11]
Наводи[уреди | уреди извор]
- ↑ 1,0 1,1 1,2 1,3 1,4 1,5 1,6 Van Zyl, Miezan (2015). The cat encyclopedia - the definitive visual guide (англиски). London: Dorling Kindersley. ISBN 9780241234884. OCLC 1322361804.
- ↑ 2,0 2,1 2,2 2,3 2,4 2,5 „Bombay TICA breed standard“ (PDF). Архивирано од изворникот (PDF) на 29 September 2023. Посетено на 2023-09-29.
- ↑ 3,00 3,01 3,02 3,03 3,04 3,05 3,06 3,07 3,08 3,09 „Bombay CFA breed standard“ (PDF). CFA.org. Cat Fanciers' Association. 2019. Архивирано од изворникот (PDF) на 29 September 2023. Посетено на 29 September 2023.
- ↑ 4,0 4,1 4,2 4,3 4,4 „Bombay“. TICA.org. The International Cat Association (TICA). 13 August 2018. Архивирано од изворникот на 29 September 2023. Посетено на 29 September 2023.
- ↑ 5,0 5,1 5,2 „Bombay“. CFA.org. Cat Fanciers' Association. Посетено на 29 September 2023.
- ↑ 6,0 6,1 Fogle, B.: The Encyclopedia of the Cat. Dorling Kindersley Limited: 2008
- ↑ 7,0 7,1 „History“. Rokstarr Bombay. Посетено на 24 February 2016.
- ↑ 8,0 8,1 „Bombay Cat Breed Profile“. pet-adoption-guide.com. Архивирано од изворникот на 16 February 2013. Посетено на 12 January 2013.
- ↑ „Cat Breeds – The Bombay Cat – Cats, Chaos and Confusion“. cats-chaos-and-confusion.com. Посетено на 4 January 2017.[мртва врска][мртва врска]
- ↑ „Bombay Cat“. Petfinder. Архивирано од изворникот на 2011-06-29. Посетено на 12 June 2011.
- ↑ 11,0 11,1 Adams, Charlene Tuttle (1995). Beauty of Cats (англиски). World Publications, Incorporated. ISBN 978-1-57215-086-7. Посетено на 5 April 2023.
Надворешни врски[уреди | уреди извор]
Бомбајска мачка на Ризницата ?
