Индиски леопард

Од Википедија — слободната енциклопедија
Прејди на: содржини, барај
Индиски леопард
Заштитен статус
Научна класификација
Царство: Животни
Колено: Хордати
Класа: Цицачи
Ред: Carnivora
Фамилија: Felidae
Род: Panthera
Вид: P. pardus
Подвид: P. p. fusca
Триномен назив
Panthera pardus fusca

Индискиот леопард (Panthera pardus fusca) е подвид на леопард кој живее на индискиот потконтинент, најмногу во Индија.

Распространетост и живеалиште[уреди]

Индискиот леопард е распространет низ целиот потконтинент, вклучувајќи и граничните региони на Непал, Бутан, Бангладеш, Пакистан и јужна Кина. Живеалиштето варира од суви листопадни шуми, пустини, тропски дождовни шуми и северните борови шуми.

Опасности[уреди]

И покрај неговата голема распространетост, на индискиот леопард му се закануваат неколку опасности. Животното го дели живеалиштето со други видови како азиски лав, бенгалски тигар, мечка, волк, азиски слон, хиена и диви кучиња. Овие животни можат да убијат младенчиња на леопард, а лавовите и тигрите можат да нападнат дури и возрасна индивидуа. Покрај неговите природни непријатели, главна закана претставуваат и луѓето. Веќе со години, овој вид е загрозен како последица на уништувањетоа на природното живеалиште и ловот. Во некои делови во Индија, леопардот живее во близина на човечки населби. Поради достапноста, тој ја напаѓа стоката што доведува до конфликт меѓу леопардите и луѓето. За да се избегнат овие проблеми, индиското министерство за шуми редовно поставува стапици во потенцијално конфликтните региони. Доколу леопардот се фати во стапицата, тој потоа е пуштен во соодветна средина.

Галерија[уреди]

Наводи[уреди]

  1. Cat Specialist Group (2002). Panthera pardus. Црвена листа на МСЗП на Загрозени видови од 2007 година. МСЗП 2007. Вчитано на 12 август 2008. Податоците содржат и објаснувања за конзервацискиот статус на овој вид.

Надворешни врски[уреди]