Анте Жижиќ
| ||||||||||||||||||||||||||||||||||||||||||||||||||||||||
.jpg)
Анте Жижиќ (роден на 4 јануари 1997 година) е хрватски кошаркар, центар на Макаби Тел Авив и на хрватската репрезентација.
Тој бил избран како 23-ти пик во првото коло на НБА драфтот 2016 од страна на Бостон Селтикс.
Биографија[уреди | уреди извор]
Жижиќ е роден во Сплит на 4 јануари 1997. Има постар брат Андрија, кој исто така бил кошаркар.
Клупска кариера[уреди | уреди извор]
Жижиќ ја започнал својата кариера во Сплит во сезоната 2013–2014, но играл само за нивниот јуниорски тим. Потоа, тој се преселил во Каштела каде што добива поголема минутажа. После само една сезона во Каштела, тој се преселил во Цибона, но веднаш бил проследен на позајмица во Горица каде играл во 2014 година, а најдобрата партија во дресот на Горица ја пружил против неговиот поранешен клуб Каштела кога уфрлил 29 поени и имал 11 скокови.
Уште истата сезона, тој се вратил во Цибона и одиграл 25 натпревари во АБА лигата, но без голема минутажа. Следната сезона, била неговата сезона на пробив. Во текот на сезоната 2015-2016, тој бил прогласен за најголема надеж и бил вклучен во најдобрата петорка на АБА лига. Врвот на добрите настапи го имал во Скопје, кога тој постигнал 37 поени против МЗТ и додал уште 20 скокови, што била четврта најголема валоризација (индекс 56) во историјата на лигата.[1] Сезоната ја завршил со просеци од 12.7 поени, 7.2 скокови, и 1.2 блокади во 24.8 минути по натпревар, во 26 одиграни натпревари во АБА лигата. Најдобрата партија за Цибона во домашното првенство ја одиграл уфрлајќи 34 поени и 16 скока на неговата поранешна екипа Горица на почетокот на мај 2016 година, водејќи ги волците во текот на целата сезона и во АБА лига и во ФИБА Европа купот.
Во 2016 година, бил избран од Бостон Селтикс како 23. пик на НБА драфтот 2016. Сепак, тој не ја прифатил понуда на Селтикс веднаш да му се приклучи на клубот во НБА и решил да остане во Европа. На 27 декември 2016 година, Жижиќ ја напуштил Цибона и потпишал за турскиот клуб Дарушафака.[2] Со турскиот клуб дебитирал во Евролигата, на 30 декември 2016, во поразот со 81-77 против Барселона. Жижиќ го завршил тој натпревар со 4 поени, 6 скока, 2 украдени топки и 2 блокади.[3]
.jpg)
На 1 јули 2017, Жижиќ потпишал за Бостон Селтикс.[4] Пред дури и да се пријави за еден натпревар во регуларната сезона за Селтикс, Жижиќ бил разменет на 22 август 2017 година во Кливленд Кавалирс заедно со Ајзеа Томас, Џеј Кроудер и незаштитен избор од Бруклин Нетс на првиот круг на НБА драфтот 2018 година за Кајри Ирвинг.[5]
Во својата руки сезона, Жижиќ некое време играл за Кантон Чарџ во развојната лига. На 11 март, тој постигнал 15 поени и запишал 7 скока (највисоко достигнување во кариерата во двете категории) во поразот од Лос Анџелес Лејкерс. На последниот натпревар од регуларниот дел од сезоната, тој постигнал 20 поени и забележал 7 скока. Кавалирс се пласирале во НБА финалето 2018, но ја загубија серијата со 4-0 од Голден Стејт Вориорс. Жижиќ одиграл само 8 натпревари во плејофот 2018, со скромна минутажа бележејќи 1.6 поени и 0.8 скокови по натпревар.
На 25 август 2020, Жижиќ потпишал двегодишен договор со Макаби Тел Авив.[6] Во својата прва сезона со израелскиот тој освоил три трофеи: првенството, купот и Лига купот на земјата. Исто така, одиграл 34 натпревари во Евролигата, каде во просек бележел 9.1 поен и 5.4 скокови по натпревар.
Репрезентативна кариера[уреди | уреди извор]
Жижиќ ја претставувал Хрватска во неколку младински репрезентации: со репрезентацијата под 16 години играл на Европското првенство за играчи под 16 години, потоа со репрезентацијата под 18 години играл на Европското првенство за играчи на таа возраст во 2014, каде освоил бронзен медал, а исто така настапил на Светското првенство за играчи под 19 години во 2015, каде што освоил сребрен медал.
За сениорската репрезентација игра од 2016 година, но досега не настапил на некое големо натпреварување.
Статистика[уреди | уреди извор]
НБА[уреди | уреди извор]
Регуларна сезона[уреди | уреди извор]
| Година | Екипа | ОН | СН | МПН | ПШИ | 3П% | СФ% | СкПН | АсПН | УТПН | БлПН | ППН |
|---|---|---|---|---|---|---|---|---|---|---|---|---|
| 2017-2018 |  Кливленд Кавалирс
|
32 | 2 | 6.7 | .731 | – | .724 | 1.9 | .2 | .1 | .4 | 3.7 |
| 2018-2019 | Кливленд Кавалирс
|
59 | 25 | 18.3 | .553 | – | .705 | 5.4 | .9 | .2 | .4 | 7.8 |
| 2019-2020 | Кливленд Кавалирс
|
22 | 0 | 10.0 | .569 | – | .737 | 3.0 | .3 | .3 | .2 | 4.4 |
| Кариера | 113 | 27 | 13.4 | .581 | – | .711 | 3.9 | .6 | .2 | .4 | 6.0 | |
Плејоф[уреди | уреди извор]
| Година | Екипа | ОН | СН | МПН | ПШИ | 3П% | СФ% | СкПН | АсПН | УТПН | БлПН | ППН |
|---|---|---|---|---|---|---|---|---|---|---|---|---|
| 2018 | Кливленд Кавалирс
|
8 | 0 | 2.9 | .500 | - | .500 | .8 | .1 | .0 | .1 | 1.6 |
| Кариера | 8 | 0 | 2.9 | .500 | - | .500 | .8 | .1 | .0 | .1 | 1.6 | |
Титули и награди[уреди | уреди извор]
.jpg)
Клупски[уреди | уреди извор]
Макаби Тел Авив[уреди | уреди извор]
- 2020-2021
- Куп на Израел : 1
- 2020-2021
- 2020-2021
Репрезентативни[уреди | уреди извор]
Поединечни[уреди | уреди извор]
- 2015-2016
- Идеален тим на израелското првенство - прва постава : 1
- 2020
Наводи[уреди | уреди извор]
- ↑ „Round 4 MVP: Ante Žižić (Cibona)“. ABA-Liga.com. 11 October 2016. Посетено на 11 October 2016.
- ↑ „Darussafaka Dogus signs Ante Zizic“. Sportando.com. 27 December 2016. Посетено на 27 December 2016.
- ↑ FC BARCELONA LASSA 81 DARUSSAFAKA DOGUS ISTANBUL 77 DECEMBER 30, 2016.
- ↑ „Celtics Sign Jayson Tatum, Ante Zizic“. NBA.com. 1 July 2017. Посетено на 1 July 2017.
- ↑ „Celtics Acquire Four-Time All-Star Kyrie Irving“. NBA.com. 22 August 2017. Посетено на 22 August 2017.
- ↑ „Ante Zizic is officially a newcomer of Maccabi Tel Aviv“. Sportando. 25 August 2020. Посетено на 25 August 2020.
Надворешни врски[уреди | уреди извор]
- Анте Жижиќ Архивирано на 22 јули 2019 г. на Basketball-reference.com, Sports Reference LLC.
- Анте Жижиќ на realgm.com, RealGM LLC.
- Анте Жижиќ на Eurobasket.com