Треска (филм од 2002)
„Cabin Fever“ | |
---|---|
Филмскиот плакат | |
Режисер | Илај Рот |
Продуцент |
|
Сценарист |
|
Главни улоги |
|
Музика | Нејтан Бар |
Кинематографија | Скот Кеван |
Монтажа | Рајан Фолси |
Дистрибутер |
|
Премиера | 14 септември 2002 г. (Кинофестивал во Торонто) 12 септември 2003 г. (САД) |
Времетраење | 94 минути |
Земја | САД |
Јазик |
|
Буџет | 1,5 милиони долари |
Бруто заработка | 30,6 милиони долари |
Треска (англиски: Cabin Fever) — американски филм на ужасите од 2002 г. со елементи на комедија, првиот филм на режисерот Илај Рот. За првпат бил прикажан на Кинофестивалот во Торонто на 14 септември 2002 г.[1][2]
Содржина[уреди | уреди извор]
Филмот започнува со пет пријатели — Пол, Карен, Берт, Џеф и Марси — кои тргнуваат на одмор во колиба во шумата. Без да знаат, областа е загадена со месојаден вирус поради местен пустиник што бил заразен. Пустиникот налетува на дружината, барајќи помош, но пријателите реагираат со страв и агресивност, па на крајот го палат. Додека пријателите уживаат во својот одмор, почнуваат да сфаќаат дека нешто не е во ред. Карен, една од членовите на дружината, станува првата жртва на вирусот откако се заразува од водоводот. Нејзината состојба брзо се влошува, а дружината не може да ја сфати сериозноста на ситуацијата.
Настанува параноја додека членовите на дружината се свртуваат еден на друг, прашувајќи се кој би можел да биде заразен. Обидите да се напушти областа се спречени кога ќе откријат дека патиштата се заградени од властите за да се спречи појавата. Ситуацијата станува сѐ пострашна бидејќи секој член му подлегнува на вирусот на страшни начини и умира.
На крајот од филмот, момче и девојче земаат вода од езерото за нивниот штанд со лимонада, не сфаќајќи дека одвај живиот Пол е во езерото и дека водата сега е загадена. Шерифот и неговите заменици застануваат до продавницата, која е во сопственост на дедото на децата, и купуваат чаши лимонада, извалкани од загадената вода.
Улоги[уреди | уреди извор]
Глумец | Улога |
---|---|
Рајдер Стронг | Пол |
Џордан Лед | Карен |
Џејмс Дебело | Берт |
Серина Винсент | Марси |
Џои Керн | Џеф |
Ари Вервин | пустиникот Хенри |
Џузепе Ендрус | заменикот на шерифот, Винстон |
Илај Рот | Џастин / Грим |
Адам Рот | ќелавиот човек |
Роберт Харис | старецот |
Хал Кортни | Томи |
Наводи[уреди | уреди извор]
- ↑ „Cabin Fever (2002) - Eli Roth | Synopsis, Characteristics, Moods, Themes and Related | AllMovie“ – преку www.allmovie.com.
- ↑ Roth, Eli. Cabin Fever DVD, Lions Gate Entertainment, 2004, audio commentary. ASIN: B0000ZG054
Надворешни врски[уреди | уреди извор]
- Треска (филм од 2002) на Семрежната филмска база на податоци (англиски)