Партитивно множество

Во математиката, партитивно множество или булеан на дадено множество е множеството чии елементи се сите подмножества на даденото множество. На пример, ако е дадено множеството:

$A=\{a,b,c\}$

тогаш неговото партитивно множество $\Bbb{P}(A)$ ќе биде:

$\Bbb{P}(A) = \left\{\emptyset, \{a\},\{b\},\{c\},\{a,b\},\{a,c\},\{b,c\},\{a,b,c\} \right\}$

Ако множеството А е конечно (како во примерот) и има n елементи, тогаш партитивното множество е исто така конечно и ќе има 2ⁿ елементи. Ако пак множеството А е преброиво или бесконечно, тогаш и неговото партитивно множество е бесконечно.

Партитивното множество на множеството природни броеви е еквивалентно со множеството на реални броеви.