Павле Николовски
Павле Петрев Николовски ( 1922 во Ајватовци, Скопско — 1944 во Врановци, Гостиварско) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
Потекнувал од земјоделско сиромашно семејство. Завршил основно училиште, по што се занимавал со земјоделство. Во септември 1944 година стапил во Единаесеттата македонска ударна бригада. Во состав на истата учествувал во повеќе акции и судири со окупаторот, особено против германските моторизирани колони. Во сите тие битки, се пројавил како совесен и дисциплиниран борец. Активно учествувал и во други борби, за конечното ослободување на Македонија. Непосредно пред ослободувањето трагично загинал, во несреќен случај. Во октомври 1944 година, не сакајќи го убил еден негов соборец. Бил закопан во Врановци.[1]