Охрид-експрес (документарен филм)

„Охрид-експрес“
Режисер	Жан Даск Робер Легран
Раскажувач	Жан Негрони
Кинематографија	Морис Дамјен Робер Легран
Монтажа	Жан Даск
Премиера	1965
Времетраење	12 минути
Земја	Франција
Јазик	англиски

Охрид-експрес (англиски: Ohrid express) — француски документарен филм во режија на Жан Даск и Робер Легран.

Главниот лик е железничарот Петре Михајловски, кој и покрај големата желба да се занимава како и неговите предци со риболов, се нафаќа на државна работа по инсистирање на мајка му. „Јанка, цел живот селанка, сакала Петре, нејзиниот најстар син, да биде во администрација. И така и биднало.“

Идеолошки филмот е чудна комбинација на пораки - од една страна возот е знак на прогрес во забаталениот пејзаж на „овој дел од Југославија“. Од друга, животот тука е толку романтичен и спокоен, што таквиот „напредок“ всушност би можел да значи уништување на суштинските вредности на оваа заедница, на која „ѝ е баш добро онаква каква што е“. Во други делови на таа држава можеби имаат побрзи машини, не како Ќиро кој датира од 1895, но „зошто некој би сакал да се движи побргу?“. Истото важи и за промените во родовите односи - во други краишта жените не работат физичка работа, но затоа пак охридските се здрави и силни (илустрирано со жена како мава со пиралка додека пере, облечена во народна носија и тежок волнен елек, лете).

Освен приказната за возот, документарецот ја покажува и сликата на Охрид односно крајбрежјето на Охридското Езеро и начинот на живот во тоа време

Надворешни врски

• Охрид-експрес на Семрежната филмска база на податоци (англиски)
• Охрид-експрес на Јутјуб