Мојот живот досега

Мојот живот досега (англиски: My Life So Far) е американско-британски филм од 1999 година, во режија на Хју Хадсон. Главните улоги ги толкуваат: Колин Фирт, Розмари Харис, Мери Елизабет Мастрантонио и Роберт Норман.

Содржина

Гама Мекинтош (ја игра Харис) е женската глава на матријархалното семејство кое се населува во Хервуд Хаус, замок во планините во Шкотска. Освен Гама, во нејзината куќа живеат и ќерката Мојра (ја игра Мастрантонио) и нејзиниот сопруг Едвард (го игра Фирт), ексцентричен пронаоѓач, кој сака да експериментира со автомобили и авиони. Мојра и Едвард имаат две деца, синот Фрејзер (го игра Норман) и ќерката Елспет. Еден ден, во замокот пристигнува братот на Мојра со својата свршеничка, која со својата убавина и префинетост ќе го маѓепсаат Едвард и ќе разбудат нови чувства кај младиот Фрејзер.