Мојанци

Мојанци е село во Општина Кочани.

Мојанци
Мојанци Мојанци (Македонија)
Координати41°51′36″N 22°23′04″E
Општина	Кочани
Географски регион
Население	556 жители жители
Поштенски број	2300
Повикувачки број
Надморска височина	310 m
Селска слава

Географиja и местоположба

На патот Штип-Кочани, на околу 3 километри пред Кочани се врти десно (има патоказ Горни Подлог) и на околу 2 километри се наоѓа Мојанци.

Селото се наоѓа на дното од Кочанска Котлина на надморска височина од 310 метри. Опкружено со плодно поле со првокласна обработлива почва и прекрасни оризови полиња.

На југ, на оддалеченост од околу 5 километри почнуваат северните падини на планината Плачковица. На север на околу 6 километри почнуваат јужните падини на Осоговски Планини. На север на околу 1 километар од Мојанци тече реката Брегалница.

Историja

Селото е основано помеѓу двете светски војни, во времето на Кралството на Србите, Хрватите и Словенците. Во тој период Србија водела интензивна кампања за колонизација на Македонија како дел од стратегијата за посрбување. Бидејќи селото лежи во плодната Кочанска Kотлина на земјоделско земјиште од прва класа истото било колонизирано, а земјата доделена на српски фамилии. Македонското население било работна сила за обработка на земјата, ситуацијата наликувала многу на феудализам од средниот век.

По Втората светска војна на дел од жителите им биле доделени земјоделски површини.

Подоцна, кога настапила насила денационализацијата, дел од земјата пак им е одземена на земјоделците и формирани се т.н. задруги. По 1999 година одкако отпочна посериозен процес на денационализација во Република Македонија, дел од земјата повторно им се врати на поранешните сопственици.

По Втората Светска Војна, во селото се населиле семејства од Кривопаланечкиот крај, како и ромски православни семејства кои сега доминираат по бројност во ова село од околу 150 куќи.

Економија

Иако малку семејства поседуваат повеќе од 1 хектар обработливо земјиште, сепак земјоделството е клучна дејност, посебно одгледувањето на ориз, раноградинарски производи (пипер, домат итн.) Поголемиот дел од семејствата се занимаваат со земјоделство како споредна дејност додека се вработени во Кочани, Виница или Штип. Во периодот после 1990 година, селото се соочува со егзодус кој главно се должи на лошите социо-економски услови во Македонија. Најголемиот број на млади заминуваат на работа и остануваат да живеат во Италија. Во помал дел заминуваат и во други западно-европски и прекуокеански земји.

Демографија

Околу 150 куќи со 556 жители. Над 85% Македонци со Христијанска православна вероисповест и околу 15% Роми со Христијанска православна вероисповест.

Спорт

Во селото најпознат е фудбалот и има повеќе фудбалски клубови од кои најпознат е Млад Борец