Медиумска организација за Југоисточна Европа
 |
Оваа статија не наведува никакви извори. (ноември 2009) Ве молиме помогнете со тоа што ќе додадете наводи до веродостојни извори. Непроверливата содржина може да биде изменета или отстранета. |
| Медиумска организација за Југоисточна Европа | |
 Лого на СЕЕМО. |
|
| Кратенка | СЕЕМО |
|---|---|
| Основана | 14. октомври 2000. |
| Тип | невладина |
| Цел | развој на медиумите во регионот на ЈИЕ |
| Седиште | Виена, Австрија |
| Регион | Југоисточна Европа |
| Членство | 23 медиумски компании од 9 земји |
| Официјални јазици | англиски |
| Генерален секретар | Оливер Вујовиќ |
| Матична организација | Меѓународен институт за медиуми |
| Мреж. место | [www.seemo.org] |
Медиумската организација за Југоисточна Европа (англ. South East Europe Media Organisation, SEEMO) била основана од претставници на 23 медиумски организации од девет земји од југоисточна Европа на 14-15 октомври 2000. година.
Организацијата е членка на Меѓународниот институт за печатот (англ. International Press Institute, IPI) и е регионална, невладина, непрофитна мрежа на уредници, директори на медиуми и угледни новинари од списанија, радио и ТВ станици, новински агенции и нови медиуми од југоисточна Европа. Преку своите комитети СЕЕМО настојува да воспостави мост помеѓу активностите на медиумите во светот и развојот на медиумите во регионот.
Една од главните активности на СЕЕМО е заштита на слободата на печатот преку поддршка на новинарите и медиумите. Преку 60% од протестните реакции на СЕЕМО до владите и други власти, имале позитивни резултати. Секој протест на СЕЕМО се доставува и до водечките регионални и меѓународни медиуми, националните и меѓународните владини и невладини организации, политичари и јавни личности и установи.
