Историски карти на Македонија
Краток осврт на историјата на Македонија илустрирано со соодветни историски карти.
Грчко - персиски војни околу 500 г.п.н.е.[уреди | уреди извор]
Грчко - персиските војни претставуваат серија на воени конфликти помеѓу неколку Грчки градови-држави и Персија, кои започнале околу 499 г.п.н.е. а завршиле околу 448 г.п.н.е. Но не сите Грчки градови-држави војувале против Персијанците, некои од нив биле неутрални а некои биле и сојузници со Персијанците.
Она што денес е познато за овој конфликт речиси целосно потекнува од Грчки извори. Пред сè од записите на Херодот од Халикарна кој во петтиот век пред нашата ера патувал низ средоземните земји, од Скитија до Египет. Неговите записи се собрани во неговата книга Ιστοριης Απόδειξη. Тусидис Атињанинот на некој начин продолжил со работата на Херодот. Неговата збирка на записи е позната како Ξυγγραφη (Пелопонеската војна). Се верува дека умрел пред да ја заврши оваа книга. Подоцна се појавуваат записи од Ефорус, како и од Диодорус Сикулус.
Постојат и оскудни Персиски извори, како на пример материјалите на Кнедус, личен лекар на Артаксеркус Мнемон.
Добар дел од овие записи не се сочувани. Фрагменти од записите биле чувани во мириобиблон. Подоцна биле преработени од страна на Фотиус кој пак станал Екуменски Патријарх во Цариград во деветтиот век од нашата ера. Но во книгата Еклогај од императорот Константин VII Порфирогенитус (913 - 919 г.) и во Суда речникот од десеттиот век стои дека овие записи најверојатно биле изгубени после уништувањето на царската библиотека на Светата столица на Цариград од страна на крстоносците на Четвртата крстоносна војна во 1204 година.