Индустријата за преработка на овошје и зеленчук — гранка на прехранбената индустрија која се занимава со преработка и конзервирање на овошје и зеленчук.
Индустријата за преработка на овошје и зеленчук во Македонија[уреди | уреди извор]
Во 2019 година, индустријата за преработка на овошје и зеленчук во Македонија ја сочинувале 187 претпријатија од кои 101 биле микро, 67 мали, 16 средни, а само три биле големи (Вивакс Доо Скопје, Дием-ГП Доо Гевгелија и МАМАС Фоод Доо Струмица). Во поглед на територијалната разместеност, најмногу фирми имало во Скопје (58), а потоа во Струмица (12), Гевгелија (9), Битола и Кочани (по 7) и Куманово (6). Вкупниот приход остварен во оваа индустрија во 2019 година изнесувал 7 757 612 871 денар од кои 73,5% (5 708 684 988 денари) биле остварени во најголемите 20 претпријатија. Во 2019 година, остварената добивка во оваа индустрија изнесувала 558 373 560 денари, а 86,5% (483 317 244) биле остварени во најголемите 20 претпријатија. Во 2019 година, во индустријата за преработка на овошје и зеленчук биле вработени вкупно 1 839 лица (1 945 во 2018 година) од кои 1 290 работеле (70%) во најголемите 20 претпријатија.[1]
Најголеми претпријатија во индустријата за преработка и конзервирање на овошје и зеленчук во Македонија во 2019 година (според вкупниот приход)[2]