Иванче Ивановски
Иванче Ѓорѓиев Ивановски ( 1918 во Скопје — 1945 во Загреб, Хрватска) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
По завршувањето на гимназијата продолжил да студира. Како студент се поврзал со напредното движење и активно се ангажирал во заднинската работа. Бил вклучен во собирните акции за материјално помагање на партизаните. Кон крајот на 1944 година стапил во Четириесет и осмата дивизија. Во состав на истата заминал за Војводина. Таму ја совладал вештината во ракувањето со артилериското оружје. Благодарејќи на стручното усовршување и совесното извршување на поставените задачи, бил унапреден во поручник. По пробивот на Сремскиот фронт ги гонел со својата единица Германците и усташите и во почетокот на мај 1945 година, стигнал пред самиот Загреб. Таму бил тешко ранет и подлегнал на раните. Бил погребан на Мирогој.[1]