Вјекослава Хуљиќ

Од Википедија — слободната енциклопедија
Вјекослава Хуљиќ

Вјекослава Хуљиќ (моминско презиме Толиќ ; родена на 27 март 1963 година) е хрватска поетеса, текстописец, романсиер и писател. Родена во Дувно и израсната во Сплит, Хуљиќ се појавува како успешен текстописец со неколку хитови од хрватската група Магазин. Таа се смета за една од најпродуктивните и најуспешните хрватски писатели и текстописци и е најпозната по соработките со нејзиниот сопруг и музичар Тончи Хуљиќ. [1]

Нејзиното книжевно дело е насочено кон младата и повозрасна публика. Во текот на нејзината кариера, Хуљиќ пишува повеќе од 600 песни, од кои многу станаа најпродавани синглови на соодветните уметници за кои се напишани, пред сѐ Магазин, Јелена Розга, Дорис Драговиќ, Џоле, Минеа, Петар Грашо и Данијела Мартиновиќ. Нејзините најнови дела со Лорена, Доменика и Тончи Хуљиќ и Мадре Бадеса бенд, вклучуваат пишување песни, користејќи заемки на далматинскиот јазик.

Биографија[уреди | уреди извор]

Хуљиќ е родена како Вјекослава Толиќ во 1963 година во Дувно од мајка Ива Толиќ од Коло и татко Бранко Толиќ, адвокат од Имотски. [2] [3] Хуљиќ е средната од три сестри.[3] За време на нејзиното детство, таа се преселува во Сплит заедно со нејзините родители. Вјекослава Хуљиќ во детството следела часови по пијано 11 години. [4] Дополнително, таа игра фестивалски игри со нејзините сестри и изведува песни од италијанскиот кантавтор Серџо Ендриго пред нејзините родители. [5]

Хуљиќ учи во основното училиште Братство и Единство во Сплит. Како многу воздржано и срамежливо дете, нејзиното семејство не знае дали таа ќе се прилагоди на комуницирање на училиште. Како и да е, нејзината учителка Карио Анка го препозна нејзиниот талент за пишување и ја споделува нејзината работа со класот на кој таа присуствува, прогласувајќи дека „тивка вода, брег рони“. [5] Во својата адолесценција, Хуљиќ студира право на Универзитетот во Сплит. [6]

1986-наваму: Пишување песни и романи[уреди | уреди извор]

Таа се појавува како писателка во 1986 година кога ја објавува својата прва збирка песни, насловена како Jutrooki (Јутрооки). Потоа објавува и неколку детски книги и романи. Во 2020 година, таа ја добива наградата Анто Гардаш за нејзиниот роман Moj Titanic ne tone. [7] Во 2022 година, Вјекослава Хуљиќ ја претставува својата четиринаесетта книга со наслов La Petite Marie од издавачот Вечерњи лист. Книгата, која се одвива во Сплит и Париз, се врти околу семејниот живот и потрагата по идентитет и корени. По објавувањето, книгата е опишана како „најзрело дело досега“ на авторката. [8]

Текстописна кариера[уреди | уреди извор]

Во 1981 година, Хуљиќ дебитираше на годишниот Загребфест со песната насловена „Ne brini ništa“ („Воопшто не се грижи“). Таа ја продолжува својата кариера како текстописец со неколку песни од албумите на Магазин, кој тогаш сè уште се пробива како бенд. Три од најголемите хитови кои ги напишала за бендот додека Љиљана Николовска сè уште била негова пејачка се „Rano ranije“ („Рано порано“), „Balkanska ulica“ („Балканска улица“) и „Ljube se dobri, loši, zli“ („Се љубат добри, лоши, зли“).

На неколку од првично напишаните песни на Магазин, таа работи и со српскиот текстописец Марина Туцаковиќ. [5] Во 1991 година, кога Николовска ја напушта групата, ја наследува Данијела Мартиновиќ; Хуљиќ пишува неколку од најголемите хитови што таа ги испева во групата, меѓу кои се „Da mi te zaljubit' u mene (Starimo dušo)“, „Čari“ и „Tišina“, кои сите беа вклучени во албумот Da mi te zaljubit' u mene (1991 г. ). Додека албумот излегуваше во периодот на Хрватската војна за независност (1991-1995), таа ја пишува антивоената и мировна песна „Mir, mir, mir do neba“. [5] Кога Мартиновиќ ја започнува соло кариерата, Хуљиќ служи и како една од главните текстописци на нејзините песни „Zovem te ja“ (1996) и „Da je slađe zaspati“ (1998). [5] Таа е и текстописец на многу врвни синглови аранжирани и продуцирани од нејзиниот сопруг Тончи Хуљиќ, музичар и продуцент. [6]

Креативен процес[уреди | уреди извор]

Опишувајќи го нејзиниот креативен процес, Хуљиќ во едно интервју изјавува: „Никогаш не ме привлекувале светлата на камерата. Писателот создава во осаменост и тишина, а главната улога е неговата креација, а не тој самиот. Отсекогаш претпочитав да се свртам кон моето внатрешно битие и светлата на луѓето кои го привлекуваат моето внимание“. [3] Разговарајќи за нејзиниот процес на пишување песни, Хуљиќ открива дека обично започнува со тоа што нејзиниот сопруг компонира музичко дело кое предизвикува одреден тип на емоции кај неа; таа најмногу користи хартија за пишување песни додека компјутер користи само за пишување книги. На почетокот на својата кариера, дуото компонирало околу 120 песни годишно. [4] Бидејќи е писателка, Вјекослава Хуљиќ често создавала стихови кои нејзиниот сопруг ги сметал за „многу книжевни“, а тој ја мотивирал да ги поедностави со цел да бидат попригодни за поп музика. [4] Таа, исто така, за време на едно интервју открива дека пишувањето текстови може да се случи и во текот на вечерта и дека често сонува стихови од нејзините песни. [4]

Личен живот и признанија[уреди | уреди извор]

Вјекослава Хуљиќ добива две Zlatno pero (Златно перо) награди во категоријата најдобар млад литературен уметник во основно училиште. [4]

Во 1987 година, Вјекослава се мажи за Тончи Хуљиќ, со кого има две деца, Иван и Хана Хуљиќ. [4] Двајцата се запознаваат кога имале 18 години за време на концерт на кој Тончи свирел на пијано; тие се забавуваат седум до осум години пред да се венчаат кога Вјекослава има 26 години. [9] И покрај големата популарност во Хрватска и поширокиот балкански регион, двајцата ги чуваат своите животи приватни и далеку од медиумите. [10]


Уметност и наследство[уреди | уреди извор]

Вјекослава Хуљиќ важи за меѓу десетте најизведувани и најбарани хрватски авторки. Исто така го добила и епитетот „омилена детска авторка“. [3] Вјекослава Хуљиќ во текот на својата кариера има напишано повеќе од 600 песни, 12 книги и сите песни на 2 мјузикли. [4] Меѓу најпознатите хрватски изведувачи чии текстови ги напишала се Магазин, Дорис Драговиќ, Јелена Розга, Петар Грашо, Данијела Мартиновиќ и Оливер Драгојевиќ . [3] Некои други уметници за кои пишувала се хрватските пејачи Џоле, Лорена, Доменика и Тончи Хуљиќ и Мадре Бадеса Бенд. Хуљиќ открива дека најголемата инспирација што ја црпи е од обичните луѓе на Далмација, регионот во кој живее, медитеранскиот начин на живот што го водат и други животни приказни. [3]

Текстот на најпознатата песна на Вјекослава Хуљиќ „Bižuterija“ го опишува искуството на една незадоволна жена која нејзиниот партнер ја оставил откако била третирана како „бижутерија“. [11] Текстот „žena, majka, kraljica“ („жена, мајка, кралица“), кој е дел од рефренот, станува широкопозната фраза во балканската јавност, а се користи за да се опише моќна жена која лесно може да си гу реши животните проблеми; стихот се смета за нејзина најлична ознака. Фразата добива широка употреба кај женската популација и влегува во употреба за да се поддржуваат и да се зајакнат едни со други. [12] [13] Други препознатливи стихови што таа ги пишува се „Bit' će bolje od ponedjeljka“ („Ќе биде подобро од понеделник па натаму“) од „Život stati neće“ на Данијела Мартиновиќ. [4]

Литературни дела[уреди | уреди извор]

  • Jutrooki, стихозбирка (1986)
  • Čampro, збирка басни (2000)
  • Maksove šumotvorine, роман (2002)
  • Oči u oči s nebom, роман (2003)
  • Lonac za čarolije, збирка басни (2007)
  • Moj tata je lud za mnom, роман (2011)
  • Moja baka ima dečka, роман (2013)
  • Moja sestra je mrak, роман (2015)
  • Moji misle da ja lažem, роман (2016)
  • Moje ljeto s Picassom, детски роман (2018)
  • Moj Titanic ne tone, роман (2019) [14]
  • La Petite Marie (2022) [8]


Избрана дискографија[уреди | уреди извор]

Видете исто така[уреди | уреди извор]

Наводи[уреди | уреди извор]

  1. ↑ „Uspješne autorice: Vjekoslava Huljić najproduktivnija, Severina najpopularnija u inozemstvu“ [Успешни автори: Вјекослава Хуљиќ е најпродуктивна, Северина најпозната во странство] (хрватски). Zamr.hr. 26 април 2018. Посетено на 23 април 2024.
  2. ↑ „Vjekoslava Huljić, kćer majke Duvanjke, na promociji otkrila poantu pisanja romana“ [Вјекослава Хуљич, ќерка на мајка Дувањка, на промоцијата ја откри поентата на пишување романи]. Tomislav News. 17 May 2018. Посетено на 23 мај 2022.
  3. ↑ 3,0 3,1 3,2 3,3 3,4 3,5 Toljić, Dolores (14 May 2019). „Vjekoslava Huljić nas je primila doma: Tonči ne kuha, ne ide u spizu, ne plaća račune, ali bih ga uvijek izabrala; Najdivniji je otac, a kad je Hanu vidio s dečkom doživio je šok!“ [Вјекослава Хуљиќ нѐ прими кај неа дома: Тончи не готви, не оди да пазарува, не ги плаќа сметките, но секогаш би го избрала: Тој е нандобриот татко и кога првпат ја виде Хана со дечко имаше голем шок!]. Slobodna Dalmacija (хрватски). Посетено на 31 јули 2022. Грешка во наводот: Неважечка ознака <ref>; називот „artists“ е зададен повеќепати со различна содржина.
  4. ↑ 4,0 4,1 4,2 4,3 4,4 4,5 4,6 4,7 (in hr).  Грешка во наводот: Неважечка ознака <ref>; називот „HRT“ е зададен повеќепати со различна содржина.
  5. ↑ 5,0 5,1 5,2 5,3 5,4 Volarić, Toni (21 April 2022). „Vjekoslava Huljić o velikoj obiteljskoj sreći i unuci koja stiže: 'Sad još više želim pisati bajke, priče i pjesme. Imat će ih tko čitati'“ [Vjekoslava Huljić About the Big Family Happiness and the Nephew on its Way: "Now I Have an Even Bigger Wish to Write Fabels, Stories and Songs. There Will be Someone to Read Them"]. Večernji list (хрватски). Посетено на 1 September 2022.
  6. ↑ 6,0 6,1 „Vjekoslava Huljić: Pitanje je što je pjesnik htio reći“ [Vjekoslava Huljić: It is a question of what the lyricist wanted to say] (хрватски). Gloria.hr. 17 April 2013. Посетено на 23 May 2022. Грешка во наводот: Неважечка ознака <ref>; називот „gloria.hr“ е зададен повеќепати со различна содржина.
  7. ↑ Morić, Danijela-Ana (22 May 2020). „Vjekoslava Huljić dobila još jedno priznanje: 'Nikad nisam pisala za nagrade, pisanje je moj životni hobi, ljubav, posao'“ [Vjekoslava Huljić Receives One More Recognition: 'I have never written for awards, writing is my life hobby, love, profession]. Tportal.hr. Посетено на 23 May 2022.
  8. ↑ 8,0 8,1 „Vjekoslava Huljić na Interliberu predstavila novu knjigu: Za unuku Albu već smišljam priče i uspavanke“ [Vjekoslava Huljić Presents New Book on Interliber: I Am Already Making Up Stories and Lullabies for my Granddaughter Alba]. Večernji list. 9 November 2022. Посетено на 25 November 2022. Грешка во наводот: Неважечка ознака <ref>; називот „petite“ е зададен повеќепати со различна содржина.
  9. ↑ Mileusnić, Jelena (2 February 2022). „'Tražio Sam Je Godinu I Pol': Tonči se u Vjekoslavu zaljubio sa 18 godina, ali nije mu bilo lako doći do nje“ ["I Was Searching for Her for a Year and a Half: Tonči Fell in Love with Vjekoslava At 18 Years Old, But It Was Not Easy to Get to Her] (хрватски). Story.hr. Посетено на 1 September 2022.
  10. ↑ Bosančić, Mislav (8 October 2021). „Dok se o Ljubavima Njihove Djece Samo NagaĐa: Tonči je Vjekoslavu ugledao na posebnom mjestu kad je imala 16 godina“ [While The Love of Their Children is Only a Topic of Gossip: Tonči Saw Vjekoslava at a Special Place When She Was 16 Years Old]. Story.hr. Посетено на 31 July 2022.
  11. ↑ Re:konstrukcija - Jelena Rozga. 7 February 2019. https://www.youtube.com/watch?v=1-fP2UnfxSQ&ab_channel=knjazTV. Retrieved 30 July 2022. 
  12. ↑ Tolić, Dolores (23 February 2021). „Od plahe balerine do zvijezde regije: Jelena Rozga Slavi četvrt stoljeća karijere“ [From a blond ballerina to a regional star: Jelena Rozga celebrates a quarter of career]. Gloria (хрватски). Посетено на 30 July 2022.
  13. ↑ U svom filmu: Vjekoslava Huljić. Hrvatska radiotelevizija on YouTube. https://www.youtube.com/watch?v=AzIM-SDh2cM&t=866s&ab_channel=Hrvatskaradiotelevizija. Retrieved 30 July 2022. 
  14. ↑ „Huljić, Vjekoslava“. Katalog Knjižnica grada Zagreba. Посетено на 30 July 2022.
Преземено од „https://mk.wikipedia.org/w/index.php?title=Вјекослава_Хуљиќ&oldid=5194852“