Хазнедар Исмаил
Хазнедар Исмаил (турски: Haznedâr İsmail) — старо скопско маало.
Местоположба[уреди | уреди извор]
Маалото се наоѓало веднаш до Јахја-Пашината џамија. Јужно од него било маалото Исакие, западно биле маалата Ибни Омер и Џедид Исабег, на север од него било Топхане, додека на исток (каде што и се наѓала Јахја-пашината џамија) било маалото Хаџи Гази. Од чаршијата било оддалечено само 400 метри северно. Маалото било поделено на пола од реката Серава.
Историја[уреди | уреди извор]
Според опширните османлиски дефтери за населението на Скопската Каза од 1832/33 година, маалото било муслиманско, со 25 муслимански домаќинства. На овој попис биле забележани 44 мажи муслимани, со 6 новороденчиња. Исто така имало и 4 мажи муслимани коишто скоро се доселиле. Се проценува дека маалото во тој период имало 108 жители.[1]
Сегашност[уреди | уреди извор]
Денес маалото е со густо збиени куќи, коишто припаѓаат во општина Чаир, а главна улица е „Серава“.
Наводи[уреди | уреди извор]
- ↑ Османлиски документи за историјата на Македонија - пописи од XIX век на муслиманското население - Скопски Санџак, каза Скопје. Скопје: д-р Емил Крстески. 2020.