Ибни Пајко
![](http://upload.wikimedia.org/wikipedia/commons/thumb/3/30/%D0%98%D0%B1%D0%BD%D0%B8_%D0%9F%D0%B0%D1%98%D0%BA%D0%BE.png/302px-%D0%98%D0%B1%D0%BD%D0%B8_%D0%9F%D0%B0%D1%98%D0%BA%D0%BE.png)
Ибни Пајко (турски: İbn i Payko) — старо скопско маало.
Местоположба[уреди | уреди извор]
Најголемото маало во Скопје било сместено на левиот брег од реката Вардар, а било поврзано диретно со Камениот мост. До него поминувал и патот кон чаршијата. Западно од него се наоѓало Еврејското маало, на север се наоѓале чаршијата и маалото Ине Бег, додека пак на исток од него се наоѓало маалото Јигит Паша.
Историја[уреди | уреди извор]
![](http://upload.wikimedia.org/wikipedia/commons/thumb/0/02/%D0%94%D0%B0%D1%83%D1%82_%D0%9F%D0%B0%D1%88%D0%B8%D0%BD_%D0%90%D0%BC%D0%B0%D0%BC_%D0%B2%D0%BE_%D0%A1%D0%BA%D0%BE%D0%BF%D1%98%D0%B5.jpg/272px-%D0%94%D0%B0%D1%83%D1%82_%D0%9F%D0%B0%D1%88%D0%B8%D0%BD_%D0%90%D0%BC%D0%B0%D0%BC_%D0%B2%D0%BE_%D0%A1%D0%BA%D0%BE%D0%BF%D1%98%D0%B5.jpg)
Според опширните османлиски дефтери за населението на Скопската Каза од 1832/33 година, маалото било мешано со христијанско и муслиманско население. Имено, имало 113 христијански и 51 муслиманско домаќинство. Биле забележани 268 мажи христијани со 31 новороденче и 92 мажи муслимани со 17 новороденчиња. Освен тоа, биле забележани и 13 мажи христијани и 29 мажи муслимани коишто скоро се доселиле во маалото. Се проценува дека во тој период маалото имало 900 жители, што го правело да биде најголемо во градот. [1][2]
Сегашност[уреди | уреди извор]
Денес маалото е наполно урбанизирано и нема трага од некогашните куќи. Ова маало особено има претрпено промени со проектот Скопје 2014. Во неговите некогашни граници се наоѓаат многу институции, меѓу кои: Државен архив на РСМ, Уставниот суд на Македонија, Палата Света Лидија - АЕК, Археолошки музеј на РСМ, Јавното обвинителство на Македонија, МНР, Национална опера и балет, Национална Филхармонија, Факулетот за музичка уметност, ДМБУЦ “Илија Николовски-Луј”, Министерство за транспорт и врски, Националната галерија “Даут-пашин амам”, Управа за водење на матичните книги на Република Македонија, како и различни споменици.
![](http://upload.wikimedia.org/wikipedia/commons/thumb/9/9c/%D0%9F%D0%B0%D1%80%D0%BA_%D0%98%D0%B1%D0%BD%D0%B8_%D0%9F%D0%B0%D1%98%D0%BA%D0%BE_2.jpg/314px-%D0%9F%D0%B0%D1%80%D0%BA_%D0%98%D0%B1%D0%BD%D0%B8_%D0%9F%D0%B0%D1%98%D0%BA%D0%BE_2.jpg)
Исто така во средина се наоѓа и паркот “Ибни Пајко”, како и плоштадите “Мајка Тереза”, .“Скендербег”.
Наводи[уреди | уреди извор]
- ↑ Османлиски документи за историјата на Македонија - пописи од XIX век на муслиманското население - Скопски Санџак, каза Скопје. Скопје: д-р Емил Крстески. 2020.
- ↑ Османлиски документи за историјата на Македонија - пописи од XIX век на христијанското население - Скопски Санџак, каза Скопје. Скопје: д-р Емил Крстески. 2021.